ەستەرٸڭٸزگە سالايىق, اقبٶكەندەردٸ اتۋعا جارييالانعان موراتوريي بيىل بٸتۋشٸ ەدٸ. سول موراتوريي تاعى ۇزاردى.
كٶكتەمدە شارۋالار كيٸك ەگٸندٸ تاپتاپ, جايىلىم جەر قالدىرماعانىن ايتىپ, شاعىمدانعان بولاتىن.
ەسٸرەسە باتىس, ورتالىق, سولتٷستٸك قازاقستاندا اقبٶكەن باسى ەدەۋٸر كٶبەيگەن. ٶگٸزدٸ دە ٶلتٸرمەي, اربانى دا سىندىرماۋ ٷشٸن ەكولوگييا مينيسترٸ 80 مىڭداي كيٸكتٸ اتىپ ازايتۋدى كٶزدەگەن ەدٸ.
مينيسترلٸكتٸڭ بۇل ۇسىنىسى حالىق اراسىندا, عىلىمي ورتادا قىزۋ تالقىلاندى. شارۋالار بٸر جاق, قاسيەتتٸ جانۋاردى جاقتاعاندار بٸر جاق بولىپ بٸراز ايتىسقان-دى.
سول كەزدە مينيسترلٸك ٶكٸلدەرٸ ناقتى قاناشا كيٸك اتىلاتىنان, جانۋاردىڭ ەتٸن نە ٸستەيتٸنٸن دەل ايتا الماعان-دى.
ەندٸ جىل سوڭىندا موراتورييدٸ ۇزارتۋ قاجەت دەپ شەشٸپتٸ. ەلٸمٸزدە كەزەڭ-كەزەڭٸمەن جارييالانعان شەكتەۋدٸڭ ارقاسىندا اقبٶكەن سانى بٸرشاما كٶبەيگەن. قازٸر قازاق دالاسىندا بٸر ميلليون 300 مىڭداي كيٸك بار.
