Densaýlyq saqtaý basqarmasy men sanitarlyq-epidemiologiialyq qyzmet ókilderiniń qatysýymen ótken brifingte jýrnalister "almatylyqtardy nege Halyk Arena-ǵa ornalastyrady jáne bul qaladaǵy aýrýhanalarda oryn jetispeitindigin bildire me" degen suraq qoidy.
Densaýlyq saqtaý basqarmasynyń ókili Svetlana Sultanǵazieva qazirgi kezde juqpaly aýrýlar aýrýhanalarynda (5 000 tósek) 2 783 adam jatqanyn, onyń 109-y balalar ekenin jetkizdi. Jansaqtaý bóliminde 125 adam jatyr (295 tósek bar). 7 qonaq úide ornalasqan karantindik tósek-oryndar bos tur.
Al Halyk Arena-daǵy aýrýhanaǵa 18 adam tústi.
Bizde Halyk Arena rezervtik aýrýhana retinde esepteledi, ony jaqynda jinastyryp tastaǵanbyz. Halyk Arena 1000 tósekke arnalǵan, iaǵni onda 1000 naýqas syiady. Kesheden beri Halyk Arena-ǵa naýqastar qabyldanyp jatyr, búgin tańerteńgi derek boiynsha, onda 18 naýqas bar. Patsientterdiń bir bóligi jaǵdailary turaqtalǵannan keiin ftiziopýlmonologiialyq ortalyqtan emdelýge aýystyryldy, keibir naýqastar jedel járdemmen kelip tústi. Men jedel járdemmen kelgenderge toqtalǵym keledi. Bul - shamamen 30-35% -dy quraityn, tynys alýynyń tartylýy sipatyndaǵy aýyrlyq dárejesi ortasha naýqastar. Bolashaqta, aýrý dárejesi jeńil, biraq qosalqy aýrýlary bar jáne jasy úlken naýqastar bolatyn bolsa, biz olardy da sondaǵy aýrýhanaǵa jatqyzatyn bolamyz.
Sultanǵazievanyń aitýynsha, klinikalar eki eshelonǵa bólingen. Birinshi eshelonǵa juqpaly aýrýlar klinikalary, sonyń ishinde modýldik aýrýhanalar kiredi. Bul klinikalar - tehnikalyq jaǵynan jaqsy jabdyqtalǵan jáne quramy myqty. Biraq búginde olar 80% -dan astam júktememen jumys istep jatyr.
Ekinshi eshelonǵa ortasha aýyrlyqtaǵy naýqastar jatatyn aýrýhanalar enedi. Halyk Arena ekinshi eshelonǵa jatady.
Búgingi kúni jańasha túrge engen koronavirýs infektsiiasy burynǵyǵa qaraǵanda qolaisyz, bul óte aýyr jáne aýyrlyq dárejesi ortasha naýqastardyń sanyn kóbeitip jatyr. Sondyqtan biz Halyk Arena-daǵy aýrýhanany iske qosýǵa májbúr boldyq. Eger júkteme 70% -dan kóp bolsa, biz jańa kereýetter ákelip qosýǵa tyrysamyz, - dedi Densaýlyq saqtaý basqarmasynyń ókili.
Búgin, 31 naýryzda, Halyk Arena sport keshenine koronavirýsqa shaldyqqan, aýrýnynyń deńgeii ortasha naýqastar jetkizilip jatqany belgili boldy. Bul sport keshenindegi aýrýhana byltyr tamyzda jinaqtalyp alynǵan bolatyn.
