8 qyrkúıekte KVN oıyndarynyń júrgizýshisi Aleksandr Maslákov qaıtys boldy. Ol ókpe qaterli isiginen qaıtys bolǵany anyqtaldy, - dep habarlaıdy Dalanews.kz.
SHOT Telegram arnasynyń málimetinshe, Maslákovtyń aýrýy tym asqynyp ketken. Operasıa jasaý múmkin emes bolǵan. Dárigerler segiz aı buryn týystaryna emdeýdiń endi kómektespeıtinin aıtqan.
Sońǵy alty aıda Maslákovtyń jaǵdaıy óte nashar bolǵany, áreń sóıleıtini, tynys alýy qıyndaǵany týraly aıtyldy.
"Jaǵdaı covid-ten keıin qıyndaı tústi, ol koronavırýspen eki ret aýyrǵan", - delingen habarlamada.
Aıta keteıik, Maslákov KVN oıyndaryn 1964 jyldan bastap basqarǵan. Tanymal telejúrgizýshi 8 qyrkúıekte 83 jasynda ómirden ótti.
