Kúieý balasyna "senetinin" prezident
Tramptyń málimdemesin The New York Times gazeti jariialady. Prezident Kýshnerdiń "el úshin aýqymdy jumys atqaryp júrgenin", ol baǵdarlama boiynsha milliard dollar únemdeýge bolatynyn aitqan. Bul ýaqytta, prezident óziniń tvitterinde Aq úiden belgili bolǵan málimetterdi jariialaǵan BAQ-ty synady.
Kýshnerdiń reseilik elshi Sergei Kisliakpen kezdesýine qatysty janjal ótken jyly bastalyp, ótken aptada qaita ýshyqty. The Washington Post málimeti boiynsha, Tramptyń kúieý balasy orys elshimen Tramp komandasynyń Kremlmen qupiia bailanysyn ornatý múmkindikterin talqylaǵan.
Kongrestegi depýtattar Kýshnerdiń Senat jáne Qaýymdar palatasy komitetterinde kýálik etýin talap etti. Prezidenttiń kúieý balasyn Tramp qyzmetke kirispei turyp orys elshimen kezdeskeni úshin aiyptap otyr. Ishki qaýipsizdik ministrliginiń basshysy Djon Kellidiń pikirinshe, Reseimen kez kelgen qosymsha bailanys ornatý - "jaqsy ideia".
