ترامپتىڭ مالىمدەمەسىن The New York Times گازەتى جاريالادى. پرەزيدەنت كۋشنەردىڭ "ەل ءۇشىن اۋقىمدى جۇمىس اتقارىپ جۇرگەنىن"، ول باعدارلاما بويىنشا ميلليارد دوللار ۇنەمدەۋگە بولاتىنىن ايتقان. بۇل ۋاقىتتا، پرەزيدەنت ءوزىنىڭ تۆيتتەرىندە اق ۇيدەن بەلگىلى بولعان مالىمەتتەردى جاريالاعان باق-تى سىنادى.
كۋشنەردىڭ رەسەيلىك ەلشى سەرگەي كيسلياكپەن كەزدەسۋىنە قاتىستى جانجال وتكەن جىلى باستالىپ، وتكەن اپتادا قايتا ۋشىقتى. The Washington Post مالىمەتى بويىنشا، ترامپتىڭ كۇيەۋ بالاسى ورىس ەلشىمەن ترامپ كومانداسىنىڭ كرەملمەن قۇپيا بايلانىسىن ورناتۋ مۇمكىندىكتەرىن تالقىلاعان.
كونگرەستەگى دەپۋتاتتار كۋشنەردىڭ سەنات جانە قاۋىمدار پالاتاسى كوميتەتتەرىندە كۋالىك ەتۋىن تالاپ ەتتى. پرەزيدەنتتىڭ كۇيەۋ بالاسىن ترامپ قىزمەتكە كىرىسپەي تۇرىپ ورىس ەلشىمەن كەزدەسكەنى ءۇشىن ايىپتاپ وتىر. ىشكى قاۋىپسىزدىك مينيسترلىگىنىڭ باسشىسى دجون كەلليدىڭ پىكىرىنشە، رەسەيمەن كەز كەلگەن قوسىمشا بايلانىس ورناتۋ - "جاقسى يدەيا".
