Buǵan deiin Astanadan sý tasqynynan zardap shekken óńirlerge 600 tonnadan astam gýmanitarlyq kómek jiberilgen bolatyn.
Búgin "Astana jastary" jastar resýrstyq ortalyǵy Ekonomikalyq tergeý departamentimen birlesip, eki júk kólik, 20 tonna gýmanitarlyq kómek jinady. Onda Qostanai oblysyndaǵy sý tasqynynan zardap shekkenderge azyq-túlik, kiim-keshek jáne birinshi kezektegi qajet zattar bar, dep habarlaidy Dalanews.kz elorda ákimdiginiń resmi saityna siltem jasap.
"Evakýatsiialyq pýnktterdegi adamdarǵa kúrish, un, qant, qaraqumyq, shai, sondai-aq kúnbaǵys maiy siiaqty azyq-túlik qajet. Adamdar kóp jinalatyn jerlerde qoqys jinaýǵa kómektesetin qoqys paketteri qajet", - dedi qalalyq eriktiler shtaby tóraǵasynyń orynbasary Elvira Esmuhanova.
Shtab eriktileri kómekke jyly kiim, aýyz sý, balalar taǵamy, turmystyq taýarlar, balalar kiimderi, kórpeler, tósek japqyshtar men jastyqtardy qabyldaidy.
Sonymen qatar 500-den astam erikti qajetti zattardy suryptaýǵa jáne jiberýge kómektesedi. Gýmanitarlyq kómek sý tasqynynan zardap shekken óńirlerge jiberiledi.
Esterińizge sala keteiik, elordada gýmanitarlyq kómekti qabyldaityn 9 pýnkt jumys isteidi, jiynǵa 30-ǵa jýyq eriktiler uiymy qatysady. Kún saiyn 200-den astam erikti qajetti zattardy suryptaidy jáne jiberedi.
Niet bildirýshiler jyly kiim, azyq-túlik, dári-dármek, qajetti zattardy ákeledi. Eriktiler qarjylyq kómekti qabyldamaidy. Niet bildirýshiler jinaý oryndaryna qajetti ónimderdi jinap, ákele alady.
