ShQO-da sý tasqyny jaǵdaiy turaqty. Dese de, jergilikti atqarýshy organ ókilderi bosańsymaý kerektigin aityp otyr. Sebebi keibir eldimekenderde sý basý qaýpi áli de seiilmei tur.
Máselen, Kúrshim aýdanynda 7 aýyldy sý basý qaýpi bar. Búginde onda qarǵyn sýdyń aldyn alý úshin qarqyndy jumystar júrgizilip jatyr, dep habarlaidy Dalanews.kz tilshisi.
Aýdan ákimi Almat Aqyshevtiń aitýysha, daiyndyq jumystary erte bastalǵan. Qazir 7 ýchaskede biiktigi 3,5-4 metr bolatyn damby salynyp jatyr.
Kúrshim ózeniniń boiyndaǵy sý basý qaýip bar 7 ýchaskede jaǵalaýlardy nyǵaitý jumystary júrgizilip jatyr. Olardyń biri - Birlik aýyly.. Bul jerdegi dambynyń uzyndyǵy 760 metr, biiktigi 3,5 metrdi quraidy. Qalǵan aýyldardaǵy dambylarda 500-800 metr aralyǵynda salynýda. Shamamen 1 apta kóleminde barlyq jumystar aiaqtalatyn bolady, - dep atap ótti «Amanat» partiiasy Kúrshim aýdanyndyq filialynyń tóraǵasy Daniiar Qaliev.
Aýdanda táýlik boiy kezekshilik uiymdastyrylǵan. Jaǵdai jergilikti biliktiń baqylaýynda. Turǵyndar úshin tósek-oryn jabdyqtarymen jáne basqa da qajetti zattarmen jabdyqtalǵan evkýatsiialyq pýnktterde daiyndalypty.
- Bizde taýdaǵy qar maýsym aiyna deiin jatady. Iaǵni qaýipti kezeńde jazǵa deiin sozylady. Qazir barlyq kúshti jaǵalaýlardy nyǵaitýǵa jumsap jatyrmyz. Sýdyń kóleminde 24 saǵat baqylaýda ustap otyrmyz. Tehnikalar sany da jetkilikti. Tasqynnyń ekinshi tolqynyna saqadai saimyz, - deidi aýdan ákimi Almat Talǵatuly
