Balqash qalasynyń kásipkerleri Qazaqstan Prezidenti Qasym-Jomart Toqaevtan kómek surap, úndeý joldady, dep habarlaidy Dalanews.kz.
“Vecherniaia Karaganda” gazetiniń málimetinshe, Balqashta qalany ainalyp ótetin jańa avtoban salynǵaly jumyssyzdyq deńgeii kúrt ósken.
“Biz kúnkórissiz qaldyq. Sebebi ǵimarattarymyz, qurylys nysandarymyz ben jerimiz ótimsiz bolyp qaldy. Jol qurylysy kezinde bizdi, iaǵni 60 kásiporyndy, nazardan tys qaldyrdy. Sizden osy máselege aralasyp, zańnamalyq deńgeide sheshim qabyldaýǵa járdemdesýińizdi suraimyz. Sebebi kásipkerlermen qatar, 2000-nan astam qyzmetker jumyssyz qalyp otyr”, – deidi kásipker áiel beinejazbada.
Aitýlarynsha, bul jaǵdai kásip tabysynyń kúrt tómendeýine alyp kelgen. Al jer telimderiniń baǵasy 174 million teńgege deiin jetken kórinedi.
“Bizde zeinet jasyndaǵy jáne zeinetaldy jasyndaǵy qyzmetkerler bar. Olar úshin basqa jumys tabý qiynǵa soǵady. Sondyqtan kóptegen jumysshyny qysqartýǵa májbúr bolyp otyrmyz. Qalamyzdyń kishkentai ekenin eskersek, olardyń jańa jumys tabýy óte qiyn. Biz óz isimizdi jalǵastyryp, jumysshylarymyzǵa turaqty jumys ornyn usynǵymyz keledi”, – dep málimdedi taǵy bir kásipker áiel beinejazbada.
Eske salaiyq, osy jyldyń shildesinde Qaraǵandy-Balqash kúre jolynyń alǵashqy tórt jolaǵy ashylǵan edi.
