Qazaqstandaǵy Kundelik bilim berý júiesiniń ieleri oqýshylardyń jeke derekteriniń qaýipsizdigin buzǵany úshin 750 ailyq eseptik kórsetkish kóleminde aiyppulǵa tartyldy. Bul shamamen 2,9 mln teńgeni quraidy, dep habarlaidy Dalanews.kz.
Bul týraly Jasandy intellekt jáne tsifrlyq damý vitse-ministri Dosjan Mýsaliev málimdedi. Vitse-ministrdiń aitýynsha, derekterdiń tarap ketý jaǵdaiy rasymen bolǵan, alaida bul jaǵdai buryn oryn alǵan kórinedi. Onyń aitýynsha, derekterdiń taralýy 2016–2020 jyldar aralyǵyndaǵy eski málimetterge qatysty bolǵan.
– Bul jańa kibershabýyl nemese júieni buzý faktisi emes. Qandai da bir paidalanýshynyń logini men qupiiasózi buryn, shamamen 2020 jyly alynǵan. Taralǵan aqparat – burynnan júiede saqtalǵan, jańartylmaǵan derekter, – dedi vitse-ministr.
Aiyppul kólemi 2025 jyly bir AEK 3932 teńge bolǵanyn eskergende eseptelgen. Qazirgi tańda ýákiletti organ derekterdiń qaýipsizdigine qatysty tekserý jumystaryn jalǵastyryp jatyr.
Dosjan Musaliev ministrlikte bul derekterdiń internette satylǵany týraly aqparat joq ekenin de atap ótti.
