6 sáýirde «KTK» telearnasynyń jańa bas direktory taǵaiyndalǵany belgili boldy. Bul qyzmetke Bek Kenjebai keldi, dep habarlaidy Dalanews.kz.
Ol buǵan deiin «Qazaqstan» RTRK» AQ basqarma tóraǵasynyń orynbasary qyzmetin atqarǵan.
Bek Kenjebai media jáne analitika salasynda basqarýshylyq tájiribesi bar. Ár jyldary Qazaqstan Respýblikasy Prezidenti janyndaǵy Qazaqstan strategiialyq zertteýler institýtynda, sondai-aq «Qazaqstan», «Astana», «Almaty», «31 arna» telearnalarynda jumys istegen.
Sonymen qatar, osy ýaqytqa deiin «KTK» telearnasynyń bas direktory qyzmetin atqarǵan Elmira Djamilova óz ótinishi boiynsha ókilettigin aiaqtaidy. Ol endi «KTK» AQ-da strategiialyq damý jónindegi keńesshi retinde jumysyn jalǵastyrady.
