DALA INSIDE derekkóziniń aqparatynsha, ózine ODKB-nyń ishinde júıequraýshy memleket degen statýs jasatyp alǵan Reseı, osy arqyly Qazaqstandy tolyq ózine qaryzdar etpek.
Qańtar oqıǵasy kezinde Almatyǵa kelgen ODKB endi Qazaqstannyń shyǵysyndaǵy órtti sóndirip berse, onda Toqaev úshin Belgorodty qorǵaýǵa kontıngent jiberýden bas tartý óte qıyn bolatyny anyq.
Tasmaǵambetov ODKB-nyń áskerı uıym ekenin aıtyp, mundaı usynystardan múmkindiginshe qorǵanyp otyr. MCHS barsa, ol gýmanıtarly mısıa, Qazaqstan da Reseı órtin sóndirýge bara alady degen pozısıada.
Biraq, Kreml qaıtse de Qazaqstandy osy soǵysqa aralastyrýdy kózdep otyr. Túpki maqsat – bizge sanksıa saldyrý. Sonda biz Reseı men Qytaıǵa baılanyp qalatyn bolamyz.
Órt biz úshin jaǵdaıdy qıyndata tústi. Manevr aıasy tar. Eger jańbyr jaýyp, máseleni óz kúshimizben sheshsek, onda bir qaýiptiń beti qaıtady. Bolmaı bara jatsa, Tashkentke telefon shalatyn sıaqtymyz. Mırzıeev bizge kómektesýge daıyn otyr.
