Kreml Resei Federatsiiasy Prezidenti sailaýynyń shet elderdegi qorytyndysy boiynsha naqty sheshimder qabyldaityn bolady. Ekzitpol dereginshe, sailaýda jeńiske jetken Vladimir Pýtinge Almatyda sailaýǵa qatysqan Resei azamattarynyń nebary 9 paiyzy ǵana óz daýysyn bergen. Onyń qarsylasy Vladislav Davankov 69 paiyz jinaǵan, - dep habarlaidy Dalanews.kz.
DALA INSIDE arnasynyń Máskeýdegi derekkózine súiensek, Kreml Qazaqstandaǵy elshi Aleksei Boradavkin men Almatydaǵy bas konsýl Dmitrii Týraevpen konsýltatsiialar ótkizýdi josparlap otyr.
"Astana da ońyp turǵan joq, ondaǵy relokanttar da Pýtinge daýys berýden bas tartyp, biýlletenderdi búldirý ne Davankovqa daýys berýmen ainalysty.
Osyǵan qatysty, Kreml Reseidiń Astanada otyratyn Qazaqstandaǵy elshisi Aleksei Boradavkin men Almatydaǵy bas konsýly Dmitrii Týraevpen konsýltatsiialar ótkizetin bolady deidi DALA INSIDE arnasynyń Máskeýdegi derekkózi", - dep jazylǵan arna málimetinde.
Talqylanatyn negizgi baǵyt - relokanttardy baqylaý, olardyń Qazaqstanda antipýtindik uiymdar quryp, jergilikti halyqty Reseidiń qazirgi biligine qarsy qoiýyn boldyrmaý. Bul rette, diplomattarǵa FSB men Rossotrýdnichestvo da barynsha kómektesedi dep oilastyrylǵan.
Osyǵan orai, Qazaqstandaǵy Resei relokanttarynyń arnaiy reestrin jasaý máselesi talqylanatyn bolady. Derekke súiensek, bul reestrde ár relokanttyń saiasi kózqarasy, qazirgi rejimdi qoldaityny/qoldamaityndyǵy tirkelip turmaq.
Al Resei Prezidenti sailaýynyń naqty nátijeleri 20 naýryzdan keiin shyǵady. Aldyn-ala statistika boiynsha, Vladimir Pýtin 80 paiyzdan astam daýys jinaǵan. Qazaqstan Prezidenti Qasym-Jomart Toqaev reseilik áriptesin resmi quttyqtady.
Aita keteiik, Pýtin Reseidi 2000 jyldan beri bilep keledi. 2004, 2008, 2012, 2018 jyldary tórt ret prezidenttikke qaita sailandy. 2020 jyly ol Konstitýtsiiany ózgertip, 2024 jyly sailaýǵa túsý múmkindigin aldy. Endi Pýtin 2030 jylǵa deiin Reseidi resmi túrde basqaratyn bolady.
