كرەمل رەسەي فەدەراتسيياسى پرەزيدەنتٸ سايلاۋىنىڭ شەت ەلدەردەگٸ قورىتىندىسى بويىنشا ناقتى شەشٸمدەر قابىلدايتىن بولادى. ەكزيتپول دەرەگٸنشە, سايلاۋدا جەڭٸسكە جەتكەن ۆلاديمير پۋتينگە الماتىدا سايلاۋعا قاتىسقان رەسەي ازاماتتارىنىڭ نەبارى 9 پايىزى عانا ٶز داۋىسىن بەرگەن. ونىڭ قارسىلاسى ۆلاديسلاۆ داۆانكوۆ 69 پايىز جيناعان, - دەپ حابارلايدى Dalanews.kz.
DALA INSIDE ارناسىنىڭ مەسكەۋدەگٸ دەرەككٶزٸنە سٷيەنسەك, كرەمل قازاقستانداعى ەلشٸ الەكسەي بوراداۆكين مەن الماتىداعى باس كونسۋل دميتريي تۋراەۆپەن كونسۋلتاتسييالار ٶتكٸزۋدٸ جوسپارلاپ وتىر.
"استانا دا وڭىپ تۇرعان جوق, ونداعى رەلوكانتتار دا پۋتينگە داۋىس بەرۋدەن باس تارتىپ, بيۋللەتەندەردٸ بٷلدٸرۋ نە داۆانكوۆقا داۋىس بەرۋمەن اينالىستى.
وسىعان قاتىستى, كرەمل رەسەيدٸڭ استانادا وتىراتىن قازاقستانداعى ەلشٸسٸ الەكسەي بوراداۆكين مەن الماتىداعى باس كونسۋلى دميتريي تۋراەۆپەن كونسۋلتاتسييالار ٶتكٸزەتٸن بولادى دەيدٸ DALA INSIDE ارناسىنىڭ مەسكەۋدەگٸ دەرەككٶزٸ", - دەپ جازىلعان ارنا مەلٸمەتٸندە.
تالقىلاناتىن نەگٸزگٸ باعىت - رەلوكانتتاردى باقىلاۋ, ولاردىڭ قازاقستاندا انتيپۋتيندٸك ۇيىمدار قۇرىپ, جەرگٸلٸكتٸ حالىقتى رەسەيدٸڭ قازٸرگٸ بيلٸگٸنە قارسى قويۋىن بولدىرماۋ. بۇل رەتتە, ديپلوماتتارعا فسب مەن روسسوترۋدنيچەستۆو دا بارىنشا كٶمەكتەسەدٸ دەپ ويلاستىرىلعان.
وسىعان وراي, قازاقستانداعى رەسەي رەلوكانتتارىنىڭ ارنايى رەەسترٸن جاساۋ مەسەلەسٸ تالقىلاناتىن بولادى. دەرەككە سٷيەنسەك, بۇل رەەستردە ەر رەلوكانتتىڭ ساياسي كٶزقاراسى, قازٸرگٸ رەجيمدٸ قولدايتىنى/قولدامايتىندىعى تٸركەلٸپ تۇرماق.
ال رەسەي پرەزيدەنتٸ سايلاۋىنىڭ ناقتى نەتيجەلەرٸ 20 ناۋرىزدان كەيٸن شىعادى. الدىن-الا ستاتيستيكا بويىنشا, ۆلاديمير پۋتين 80 پايىزدان استام داۋىس جيناعان. قازاقستان پرەزيدەنتٸ قاسىم-جومارت توقاەۆ رەسەيلٸك ەرٸپتەسٸن رەسمي قۇتتىقتادى.
ايتا كەتەيٸك, پۋتين رەسەيدٸ 2000 جىلدان بەرٸ بيلەپ كەلەدٸ. 2004, 2008, 2012, 2018 جىلدارى تٶرت رەت پرەزيدەنتتٸككە قايتا سايلاندى. 2020 جىلى ول كونستيتۋتسييانى ٶزگەرتٸپ, 2024 جىلى سايلاۋعا تٷسۋ مٷمكٸندٸگٸن الدى. ەندٸ پۋتين 2030 جىلعا دەيٸن رەسەيدٸ رەسمي تٷردە باسقاراتىن بولادى.
