COVID-19 bailanysty shekteýlerge bailanysty resmi ashylý AYDI (Atyrau Youth Development Initiative – Atyraý qalasynyń jastaryn damytý bastamasy) YouTube arnasynda onlain formatynda ótti. Jobanyń bastamashysy jáne basty seriktesi "Shevron" kompaniiasy boldy.
Spikerler retinde The Village Qazaqstan jáne Masa Media jobalarynyń negizin qalaýshy Aisana Áshim, kásipker jáne biznes jattyqtyrýshy Ǵani Abadan, PR-mamany, podkaster jáne bloger Marina Sharipova jáne "I-SEED" atty áleýmettik kásipkerlik jobasynyń mentory Kúnjamilia Sahain qatysty. Olar kreativti ekonomikanyń jai-kúii men damý perspektivalary týraly óz pikirlerimen bólisti.
Qazaqstanda kreativti ekonomika áli de bolsa damý satysynda, alaida úlken áleýetke ie. Otandyq jas mýzykanttar, IT-mamandary, kreativti ekonomika ókilderi suranysqa ie jáne halyqaralyq deńgeide tanymal. IýNESKO-nyń esebine sáikes, bul sala jyl saiyn álemdik JIÓ-ge 3% (2 250 milliard dollar) úles qosady jáne 29,5 million jumys ornyn qamtamasyz etedi.
Kreativti ekonomika adami resýrstar men talanttarǵa, innovatsiialarǵa jáne standarttan tys tásilderge negizdelgen. Munda biznes adamnyń qarym-qatynastaryna jáne shyǵarmashylyqqa negizdelgen ideia. Al standartty ekonomika bolsa, óndiris pen ónerkásipke táýeldi.
Koronavirýstyq pandemiia jaǵdaiy kórsetkendei, problemalaryn sheshý barysynda shablonnan tys oilaýdy qoldanatyndar jáne ózgermeli jaǵdailarǵa tez beiimdeletinder tózimdilik kórsetti. "Ózgeristerdi adam faktory basym biznes formatyna engizý ońaiyraq boldy. Kreativti ekonomikanyń avtomattandyrylǵan ónerkásip nemese kúrdeli óndiriske qaraǵanda artyqshylyǵy aiqyn. Adamdar jaqsy beiimdeledi jáne kreativti ekonomika ókilderi tez kúshin jinap, onlain rejiminde jumys atqara aldy", - dedi Ǵani Abadan.
Álemdik tájiribe týraly aitatyn bolsaq, startups.co.uk portalǵa sáikes 2019 jylmen salystyrǵanda onlain biznes sany 60% - ǵa ósti. Sonymen qatar, Ulybritaniiada kreativti salanyń eldiń JIÓ-ge qosqan úlesi álem boiynsha eń joǵary bolyp, 7% - dy qurady. Qazaqstanda biz elektrondyq kommertsiia sektoryndaǵy ósimdi, azyq-túlik pen taǵam jetkizýge suranystyń artýyn jáne jańa kásipterdiń iske qosylýyn kórdik.
"Daǵdarys kezinde jańa jobalardy iske qosý kóptegen adamdar úshin qarsy-intýitivti bolyp kórinýi múmkin", - dedi Aisana Áshim. "Degenmen, pandemiia kezinde biz jańa media jobany iske qostyq."Media startap investorlar úshin tartymdy bolýy úshin óziniń biregei maqsatty aýditoriiasyn naqty anyqtap, belgili bir taýashany tańdap, "tone of voice" - ózindik airyqsha daýys-únin qalyptastyrý qajet. Qazaqstandyq media naryqta óńirlik jobalardy, sondai-aq mikro- nemese shaǵyn jáne orta bizneske arnalǵan mamandandyrylǵan BAQ-jobasyn bastaýǵa oryn jetkilikti.
"Biznesti naqty maqsatpen jáne qumarlyqpen bastaý kerek. Bul jaǵdaida bolashaq kásipkerdiń jasy jobanyń sáttiligine áser etpeidi. Jaqynda 16 jastaǵy qazaqstandyq oqýshylar bedeldi mektepter men ýniversitetterdiń tegin sabaqtaryn jinaǵan saitty iske qosty", - dep Kúnjamilia Sahain pikir bólisti.
Jaspace keńistigi "Shevron" kompaniiasynyń “Atyraý jastaryn damytý bastamasy (AYDI)” jobasynyń bir bóligi bolyp tabylady. Bul bastama jastardy ekonomikaǵa beiim jáne áleýmettik turǵydan belsendi etýge, ári Atyraý qalasyn ashyq, inkliýzivti jáne teń quqyqty qala retinde damytýǵa baǵyttalǵan. AYDI jobasyn Atyraý oblysy ákimdigimen seriktestikte British Council, Impact Hub Almaty jáne Urban Forum Kazakhstan qurǵan koalitsiia ázirlep, basqarady.
