«Búgin júrgizilip jatqan is-sharalardyń tiimdiligin tekserý maqsatynda Almaty jáne Almaty oblysyna barýdy josparlap otyrmyn. Tekseristen keiin qabyldanyp jatqan sharalarǵa ózgerister qajet bolsa, engizemin», — dedi ministr úkimet otyrysynda.
Sondai-aq, Birtanov qandai jaǵdaida meningokokk infektsiiasy indet bolyp sanalatynyn aitty.
«Qazaqstanda meningokokk infektsiiasynyń orta kóp jyldyq dengeii 100 myń adamǵa 2,1-di quraidy. Búginde derttiń deńgeii 100 myń adamǵa 0,3-ke teń. Almatyda osy derttiń orta jyldyq kórsetkishi — 4,0, al dál qazirgi ýaqytta Almatyda bul derttiń deńgeii — 100 myń adamǵa 1,7-den keledi», — dedi ministr aqtalyp.
Aita ketelik, búgin Úkimet otyrysynda Premer-ministr Baqytjan Saǵyntaev ministrdi synǵa alyp, Qazaqstandaǵy meningokokk infektsiiasyna qatysty tolyqqandy esep berýdi talap etken.
Onyń aldynda QR Parlamenti Senatynyń tóraǵasy Qasym-Jomart Toqaev ta eldegi menigitke qatysty jaǵdaiǵa alańdap, pikir bildirgen bolatyn. Áleýmettik jelidegi jazbasynda Toqaev senatorlardyń densaýlyq ministrliginiń salǵyrttyǵyn aityp, Úkimetke arnaiy saýal joldaǵaly jatqanyn jetkizgen.
«Meningit infektsiiasynyń taralýy kónýge bolmaityn jaǵdai. Osy profildegi ministrlik keshirilmeitin jaibasarlyq pen batylsyzdyq tanytyp otyr», —
dep jazǵan edi Toqaev Twitter jelisindegi paraqshasynda.
Al qazir BAQ Qaskeleńdegi juqpaly aýrýlar aýrýhanasynyń múshkil halin sýretteitin sýretterdi jappai jariialap jatyr. Ministr Almatyǵa saparyn tap osy aýrýhanadan bastasa igi bolar edi, negizi.
Munyń aldynda densaýlyq saqtaý ministri meningokokk infektsiiasyna bailanysty karantin jariialanbaitynyn aitqan edi.
«Meningokokk infektsiiasyn juqtyrǵandar men qaitys bolǵandardyń sanyn jasyrmaimyz. Qazir karantin jariialaýdyń qajeti joq. (…) Qazaqstandyqtardan dárigerler aitqan keńesterdi tyńdaýlaryn suraimyz», — degen edi Birtanov. Sondai-aq, osyǵan deiin ministr Qazaqstanda 2018 jyldyń basynan beri meningokokk infektsiiasynan 12 adamnyń qaitys bolǵanyn málimdegen edi.
Derekkóz: Tengrinews.kz
