«بۇگىن جۇرگىزىلىپ جاتقان ءىس-شارالاردىڭ تيىمدىلىگىن تەكسەرۋ ماقساتىندا الماتى جانە الماتى وبلىسىنا بارۋدى جوسپارلاپ وتىرمىن. تەكسەرىستەن كەيىن قابىلدانىپ جاتقان شارالارعا وزگەرىستەر قاجەت بولسا، ەنگىزەمىن»، — دەدى مينيستر ۇكىمەت وتىرىسىندا.
سونداي-اق، ءبىرتانوۆ قانداي جاعدايدا مەنينگوكوكك ينفەكسياسى ىندەت بولىپ سانالاتىنىن ايتتى.
«قازاقستاندا مەنينگوكوكك ينفەكسياسىنىڭ ورتا كوپ جىلدىق دەنگەيى 100 مىڭ ادامعا 2،1ء-دى قۇرايدى. بۇگىندە دەرتتىڭ دەڭگەيى 100 مىڭ ادامعا 0،3-كە تەڭ. الماتىدا وسى دەرتتىڭ ورتا جىلدىق كورسەتكىشى — 4،0، ال ءدال قازىرگى ۋاقىتتا الماتىدا بۇل دەرتتىڭ دەڭگەيى — 100 مىڭ ادامعا 1،7-دەن كەلەدى»، — دەدى مينيستر اقتالىپ.
ايتا كەتەلىك، بۇگىن ۇكىمەت وتىرىسىندا پرەمەر-مينيستر باقىتجان ساعىنتايەۆ ءمينيستردى سىنعا الىپ، قازاقستانداعى مەنينگوكوكك ينفەكسياسىنا قاتىستى تولىققاندى ەسەپ بەرۋدى تالاپ ەتكەن.
ونىڭ الدىندا ق ر پارلامەنتى سەناتىنىڭ ءتوراعاسى قاسىم-جومارت توقايەۆ تا ەلدەگى مەنيگيتكە قاتىستى جاعدايعا الاڭداپ، پىكىر بىلدىرگەن بولاتىن. الەۋمەتتىك جەلىدەگى جازباسىندا توقايەۆ سەناتورلاردىڭ دەنساۋلىق مينيسترلىگىنىڭ سالعىرتتىعىن ايتىپ، ۇكىمەتكە ارنايى ساۋال جولداعالى جاتقانىن جەتكىزگەن.
«مەنينگيت ينفەكسياسىنىڭ تارالۋى كونۋگە بولمايتىن جاعداي. وسى پروفيلدەگى مينيسترلىك كەشىرىلمەيتىن جايباسارلىق پەن باتىلسىزدىق تانىتىپ وتىر»، —
دەپ جازعان ەدى توقايەۆ Twitter جەلىسىندەگى پاراقشاسىندا.
ال ءقازىر ب ا ق قاسكەلەڭدەگى جۇقپالى اۋرۋلار اۋرۋحاناسىنىڭ مۇشكىل ءحالىن سۋرەتتەيتىن سۋرەتتەردى جاپپاي جاريالاپ جاتىر. مينيستر الماتىعا ساپارىن تاپ وسى اۋرۋحانادان باستاسا يگى بولار ەدى، نەگىزى.
مۇنىڭ الدىندا دەنساۋلىق ساقتاۋ ءمينيسترى مەنينگوكوكك ينفەكسياسىنا بايلانىستى كارانتين جاريالانبايتىنىن ايتقان ەدى.
«مەنينگوكوكك ينفەكسياسىن جۇقتىرعاندار مەن قايتىس بولعانداردىڭ سانىن جاسىرمايمىز. ءقازىر كارانتين جاريالاۋدىڭ قاجەتى جوق. (…) قازاقستاندىقتاردان دارىگەرلەر ايتقان كەڭەستەردى تىڭداۋلارىن سۇرايمىز»، — دەگەن ەدى ءبىرتانوۆ. سونداي-اق، وسىعان دەيىن مينيستر قازاقستاندا 2018 جىلدىڭ باسىنان بەرى مەنينگوكوكك ينفەكسياسىنان 12 ادامنىڭ قايتىس بولعانىن مالىمدەگەن ەدى.
دەرەككوز: Tengrinews.kz
