2023 jyldyń 27 qazanynda “Kostenko” shahtasynda apat bolyp, saldarynan 46 adam qaza tapty. Kúni keshe qaiǵyly oqiǵaǵa aiyptalyp otyrǵan kúdiktilerdiń aty-jóni belgili boldy, dep habarlaidy Dalanews.kz.
Qadaǵalaýshy organ olardyń aty-jóni men qandai qyzmet atqarǵandaryn jáne ne úshin aiyptalyp otyrǵandaryn tolyq baiandady.
1. S. I. Mýstivko (shahta direktory, taý-ken qazbalaryn apatsyz kúide ustaýdy, shahta qyzmetkerleriniń ónerkásiptik jáne órtke qarsy qaýipsizdik erejelerin saqtaýyn, jabdyqtardy ýaqytyly jóndeýdi qamtamasyz etýge jáne kómir óndirý tehnologiiasynyń saqtalýyn baqylaýǵa mindetti);
2. N.N. Groznov (shahtanyń bas injeneri, óndiristi injenerlik qamtamasyz etýdi baqylaýǵa, shahtanyń gaz boiynsha sanatyn, shańnyń jarylǵyshtyǵyn, kenet gaz shyǵaryndylary boiynsha qabattardyń qaýiptiligin anyqtaýǵa, ónerkásip qaýipsizdiginiń jai-kúiin tekserýge mindetti);
3. V.A. Eremin (shahta direktorynyń óndiris jónindegi orynbasary, tehnologiialyq protsesterge turaqty baqylaý júrgizýge, shahta jabdyqtarynyń qaýipsiz jáne senimdi jumysyn qamtamasyz etýge, qaýipsizdik erejeleri men tehnologiialardyń buzylýyn joiýdy uiymdastyrýǵa, ónerkásiptik qaýipsizdik pen eńbekti qorǵaýdyń jai-kúiin tekserýge mindetti);
4. D.Iu.Fedorenko (bas injenerdiń qaýipsizdik tehnikasy jónindegi orynbasary, shahtadaǵy qaýipsizdik tehnikasy boiynsha jumysty uiymdastyrýǵa jáne baqylaýǵa, ónerkásiptik qaýipsizdik jaǵdaiyn tekserýge, shahtadaǵy jol berilmeitin jáne qaýipti táýekelderdi anyqtaýǵa, jeldetý ýchaskesiniń jumysyna jetekshilik etýge mindetti);
5. V.V. Shishkanov (jeldetý jáne qaýipsizdik tehnikasy ýchaskesiniń bastyǵy, shahtada jeldetý men gaz rejiminiń senimdiligin qamtamasyz etýge, jeldetý, gazsyzdandyrý, gaz sorý, kómir shańymen kúresý, kómir shańynyń jarylystarynyń aldyn alý jáne oqshaýlaý jónindegi is-sharalardy ázirleýge mindetti);
6. Iu.Pestriakov (jeldetý jáne qaýipsizdik tehnikasy ýchaskesiniń shań jarylysynan qorǵaý jónindegi bastyǵynyń kómekshisi, kómir shańynan jáne shań jarylysynan qorǵaý jónindegi is-sharalardyń ýaqtyly júrgizilýin qamtamasyz etýge mindetti);
7. V.P. Koptenkov (apat bastalǵan №6 ýchaskeniń bastyǵy, jeldetý, shań-gaz rejimi, órt sóndirý quraldary, adamdardy qutqarý jaǵdaiyn qoldaýǵa, shańǵa, kenetten shyǵaryndylarǵa jáne jerasty órtine qarsy is-sharalardyń tolyq oryndalýyn qamtamasyz etýge mindetti);
8. T.H. Gabdýshev (konveierlik kólik ýchaskesiniń bastyǵy, ýchaskedegi shań-jarylystan qorǵaý is-sharalaryn, kómir shańyn tazalaýdy, ylǵaldandyrýdy qamtamasyz etýge mindetti);
9. V.V. Gonnochenko (bas injenerdiń úńgileý jónindegi orynbasary, qyrkúiekte bas injenerdiń mindetin atqardy, óndiristi injenerlik qamtamasyz etýdi baqylaýǵa, gaz boiynsha shahtanyń sanatyn, shańnyń jarylǵyshtyǵyn, kenet shyǵaryndylar boiynsha qabattardyń qaýiptiligin anyqtaýǵa, ónerkásiptik qaýipsizdik jaǵdaiyn tekserýge mindetti);
10. D.S. Kotsar eshqaida ketpeý týraly qolhat arqyly qamaýǵa alynbaǵan. Ol shahtanyń bas mehanigi tergeý qorytyndysy boiynsha kúdikti retinde tanylǵan, ketpeý jáne tiisti minez-qulyq týraly qolhat túrindegi bultartpaý sharasy qoldanylǵan, ol shahta jabdyqtarynda taý-ken jumystaryn qaýipsiz júrgizý jónindegi óz mindetteri men baqylaýyn tiisinshe oryndamaǵan degen kúdikke ilingen.
Aita keteiik, kúni keshe Bas prokýrordyń orynbasary Ǵalymjan Qoigeldiev Senat kýlýarynda Kostenko shahtasyndaǵy qaiǵyly oqiǵaǵa bailanysty tergeý áli aiaqtalmaǵanyn málimdedi.
"Bul oqiǵa – biz úshin asa aýyr tragediia. 46 kenshi qaitys boldy. Qazirgi ýaqytta shamamen 10 adam tergelýde. "ArselorMittalǵa" qatysty da tergeý júrip jatyr, biraq naqty qandai kezeńde turǵanyn aita almaimyn", - dedi ol.
Eske salaiyq, 2023 jyldyń 28 qazanynda Qaraǵandy oblysyndaǵy Kostenko atyndaǵy shahtada metan gazy jaryldy. Qaza bolǵan kenshilerge bailanysty 29 qazan Qazaqstanda jalpy ulttyq aza tutý kúni dep jariialandy.
Jarylys kezinde shahtada 252 adam bolǵan. Olardyń 206-sy jer betine shyǵa aldy, al qalǵandary qaza tapty.
