Bas prokýratýra Kostenko atyndaǵy shahtadaǵy 46 kenshiniń ólimine jáne 28 adamnyń jaraqat alýyna sebep bolǵan apatqa bailanysty qylmystyq isti tergeý aiaqtalǵanyn málim etti, dep habarlaidy Dalanews.kz.
Bul týraly bas prokýror Berik Asylov H áleýmettik jelisinde jazdy.
"Bas prokýratýranyń arnaiy prokýrorlarynyń basshylyǵymen VJTT Kostenko shahtasyndaǵy 46 kenshiniń qazasyna qatysty qylmystyq isti tergeýdi aiaqtady. 10 aiyptalýshyǵa qatysty is taý-ken jumystarynyń qaýipsizdik erejelerin buzý (QK 277-babynyń 3-bóligi) boiynsha sotqa joldandy", deidi bas prokýror.
Eske salaiyq, 2023 jyldyń 28 qazanynda Qaraǵandy oblysyndaǵy Kostenko atyndaǵy shahtada metan gazy jaryldy. Qaza bolǵan kenshilerge bailanysty 29 qazan Qazaqstanda jalpy ulttyq aza tutý kúni dep jariialandy.
Jarylys kezinde shahtada 252 adam bolǵan. Olardyń 206-sy jer betine shyǵa aldy, al qalǵandary qaza tapty.
46 kenshiniń qazasyna bailanysty sotqa deiingi tergeýdi Bas prokýratýranyń arnaiy prokýrorlary júrgizýde. Tergeý tobyna IIM, TJM, Sybailas jemqorlyqqa qarsy qyzmet jáne Qarjy monitoringi agenttiginiń qyzmetkerleri de qatysýda.
