باس پروكۋراتۋرا كوستەنكو اتىنداعى شاحتاداعى 46 كەنشٸنٸڭ ٶلٸمٸنە جەنە 28 ادامنىڭ جاراقات الۋىنا سەبەپ بولعان اپاتقا بايلانىستى قىلمىستىق ٸستٸ تەرگەۋ اياقتالعانىن مەلٸم ەتتٸ, دەپ حابارلايدى Dalanews.kz.
بۇل تۋرالى باس پروكۋرور بەرٸك اسىلوۆ ح ەلەۋمەتتٸك جەلٸسٸندە جازدى.
"باس پروكۋراتۋرانىڭ ارنايى پروكۋرورلارىنىڭ باسشىلىعىمەن ۆجتت كوستەنكو شاحتاسىنداعى 46 كەنشٸنٸڭ قازاسىنا قاتىستى قىلمىستىق ٸستٸ تەرگەۋدٸ اياقتادى. 10 ايىپتالۋشىعا قاتىستى ٸس تاۋ-كەن جۇمىستارىنىڭ قاۋٸپسٸزدٸك ەرەجەلەرٸن بۇزۋ (قك 277-بابىنىڭ 3-بٶلٸگٸ) بويىنشا سوتقا جولداندى", دەيدٸ باس پروكۋرور.
ەسكە سالايىق, 2023 جىلدىڭ 28 قازانىندا قاراعاندى وبلىسىنداعى كوستەنكو اتىنداعى شاحتادا مەتان گازى جارىلدى. قازا بولعان كەنشٸلەرگە بايلانىستى 29 قازان قازاقستاندا جالپى ۇلتتىق ازا تۇتۋ كٷنٸ دەپ جارييالاندى.
جارىلىس كەزٸندە شاحتادا 252 ادام بولعان. ولاردىڭ 206-سى جەر بەتٸنە شىعا الدى, ال قالعاندارى قازا تاپتى.
46 كەنشٸنٸڭ قازاسىنا بايلانىستى سوتقا دەيٸنگٸ تەرگەۋدٸ باس پروكۋراتۋرانىڭ ارنايى پروكۋرورلارى جٷرگٸزۋدە. تەرگەۋ توبىنا ٸٸم, تجم, سىبايلاس جەمقورلىققا قارسى قىزمەت جەنە قارجى مونيتورينگٸ اگەنتتٸگٸنٸڭ قىزمەتكەرلەرٸ دە قاتىسۋدا.
