Almaty qalasy boiynsha Memlekettik kirister departamenti halyqaralyq áýejaida Úndistannan jetkizilgen iri dári-dármek partiiasy anyqtalǵanyn málimdedi, dep habarlaidy Dalanews.kz.
Vedomstvo málimetinshe, qujattarda júk kosmetikalyq ónim retinde rásimdelgen. Alaida tekserý barysynda onyń ishinde jalpy salmaǵy 1324 kelini quraityn 39 túrli dári-dármek bar ekeni belgili bolǵan. Aldyn ala esep boiynsha júktiń kedendik quny 5 mln teńgeden asady.
Qazirgi ýaqytta atalǵan derek boiynsha tekserý júrgizilýde. Onyń nátijesine qarai kináli tulǵalardy jaýapkershilikke tartý máselesi sheshiledi.
Mamandardyń aitýynsha, taýarlardy durys deklaratsiialamaǵany nemese jalǵan málimet kórsetkeni úshin júktiń qunynyń 25 paiyzy kóleminde aiyppul qarastyrylǵan. Sonymen qatar, Eýraziialyq ekonomikalyq odaq shekarasy arqyly taýarlardy ótkizý kezinde tyiymdar men shekteýlerdi buzǵany úshin 15-ten 50 ailyq eseptik kórsetkishke deiin aiyppul salynyp, múlik tárkilenýi múmkin.
Departament deregine sáikes, jyl basynan beri Almaty qalasynda esirtki zattary bar taýarlardy zańsyz ákelýdiń 17 deregi anyqtalǵan. Mundai júktiń jalpy salmaǵy 25,84 kelini quraǵan. Barlyq materialdar quqyq qorǵaý organdaryna joldanǵan.
