Oblystyq máslihattyń sessiiasynda Shyǵys Qazaqstan oblysynyń ákimi Ermek Kósherbaev ýaqytty bir saǵat alǵa jyljytqannan keiin keshki ýaqytta qarańǵylyq erte túsetinin, bul ásirese kúzde, balalardyń mektepke baratyn ýaqytynda baiqalatynyn atap ótti, dep habarlaidy Dalanews.kz.
- Tańerteń ádettegi ýaqyttan qaraǵanda jaryǵyraq bolady. Biraq ekinshi aýysymda oqityn oqýshylar úiine qaitqansha qarańǵy túsip ketedi. Sondyqtan men mektepterdiń ainalasyn jaryqtandyrýdy tapsyrdym, - dedi ákim.
Aita ketý kerek, Qazaqstan 1 naýryzda biryńǵai ýaqyt beldeýin qabyldady. Iaǵni, búkil elde bir ǵana besinshi beldeý maquldandy.
ShQO tabiǵi ornalasýy boiynsha altynshy beldeýde. Turǵyndary o basta ýaqytty shegerýge narazy bolǵan.
Alaida basqa oblystar da jańa ýaqyt yńǵaisyz bolǵanyn aityp jatyr. Narazylar ýaqytty keri qaitarý týraly petitsiia da jariialaǵan. Úndeýde «jumys pen demalys ýaqytynyń sáikespeýinen jumys ónimdiligi tómendep, uiqy durys qanbaidy» dep jazylǵan.
Buǵan deiin Qazaqstannyń densaýlyq saqtaý ministri Aqmaral Álnazarova qazirgi ýaqyt beldeýi «...densaýlyqqa keri áserin tigizgen joq dep aitýǵa negiz bar» dese, álem sarapshylary «...Qazaqstanda kóptegen adamdar únemi djetlag (saǵattyq beldeý aýysý sindromy) kúiinde. Olardyń deneleri kún men túnniń yrǵaǵyna úirenbegen... Bul ýaqytta jumys isteý kóptegen adamdarǵa qiyndyq týǵyzady jáne aǵza úshin ol ekstrimaldy qiyndyq» dep óz pikirlerin bildirgen bolatyn.
