Dárigerler emhanada jatqan 38 adamnyń ón-boiynda koronavirýs belgileri joq ekenine kózderi jetkizshe aýrýhanadan shyǵarmaityndaryn aitýda.
El Úkimeti qaýipti virýstan saqtyq sharalaryna qosymsha milliardtap qarjy bólmekshi.
Eljan Birtanovtyń aitýynsha, osyǵan deiin barlyǵy 54 adam kúdikke ilingen. Sonyń 16-nan esh qaýip belgisi tabylmai, úiine jiberilgen. Álemge qaýip tóndirip turǵan beimálim virýsqa bailanysty elimizde memlekettik deńgeide arnaiy komissiia qurylyp, is-sharalar jospary bekitilgen.
Qazir Qytaidan keletin azamattarǵa airyqsha sanitarlyq tekserý júrgizilýde. Olar elge kelgennen keiin de tolyq baqylaýǵa alynýda.
Al joǵaryda aitylǵan 38 adam aýrýhanalarda barynsha oqshaýlanǵan.
– Barlyq naýqastardan erekshe laboratoriialyq analiz alyndy. Qazir diagnostika ótkizilýde. Almaty qalasynda ornalasqan asa qaýipti infektsiialarǵa bailanysty ulttyq ǵylymi ortalyǵynyń negizinde jáne ulttyq biotehnologiialyq ortalyq mamandarymen birge arnaiy genetikalyq diagnostika bastaldy. Úkimet basshysynyń tapsyrmasymen qosymsha qorǵanysh zattary alýdamyz. Oǵan Úkimet qazynasynan qosymsha 1,6 milliard teńge bólingen. Eger halyq arasynda naýqas paida bolyp, olarǵa meditsinalyq kómek kerek bolsa, qajetti qarajat ta, kerek zattar da daiyn. Sonymen qatar, koronavirýsqa qatysty málimet kúndelikti jańartyp otyrmyz, – dedi Eljan Birtanov.
Ministr búgin tús qaita jańa aqparatpen bólisetinderin de alǵa tartty.
