Kórnekti kinorejisser Ardaq Ámirqulov ómirden ótti, dep habarlaidy dalanews.kz.
Qazaqstan Respýblikasynyń Mádeniet jáne aqparat ministrligi kórnekti kinorejisser Ardaq Ámirqulovtyń dúnieden ótýine bailanysty týǵan-týystary men jaqyndaryna, áriptesterine, shákirtterine jáne barsha kinosúier qaýymǵa qaiǵyra kóńil aitty.
Ulttyq kino ónerin damytýǵa sanaly ǵumyryn arnaǵan Ardaq Jamansaryuly qazaq kinematografiiasynyń órkendeýine ólsheýsiz úles qosty. Daryndy rejisser, bilikti ustaz ári tálimger retinde birneshe býyn kinogerlerdiń qalyptasýyna yqpal etti.
Ardaq Ámirqulovtyń «Otyrardyń kúireýi», «Abai», «Qosh bol, Gúlsary!» jáne ózge de filmderi ulttyq kino óneriniń altyn qorynan oryn aldy. Onyń shyǵarmalary el tarihyn, halyqtyń rýhani qundylyqtaryn jáne adam taǵdyryn tereń beineleýimen erekshelenip, kórermen qaýym men kásibi ortanyń joǵary baǵasyna ie boldy.
Ardaq Jamansaryulynyń jarqyn beinesi, ónegeli ǵumyry men qazaq mádenieti men kino óneriniń damýyna sińirgen eleýli eńbegi halyq jadynda máńgi saqtalady. Marqumnyń jany jánnattan jai taýyp, imany salamat, jatqan jeri jaryq, topyraǵy torqa bolsyn, - delingen ministrlik habarlamasynda.
