Prezident Qasym-Jomart Toqaev Hanwha Group vitse-tóraǵasy Kim Don Vondy qabyldady, dep habarlaidy dalanews.kz.
Kezdesýde qazaq-korei investitsiialyq jáne tehnologiialyq yntymaqtastyǵynyń perspektivti baǵyttary talqylandy. Qasym-Jomart Toqaev Koreiamen strategiialyq seriktestikti joǵary baǵalaitynyn jetkizdi.
Prezidenttiń aitýynsha, elimiz Hanwha Group kompaniiasyn Koreia Respýblikasynyń birqatar strategiialyq mańyzdy salalarda halyqaralyq pozitsiiasy myǵym jetekshi biznes toptarynyń biri retinde qarastyrady. Memleket basshysy Qazaqstanda ulttyq jasandy intellekt ekojúiesin qalyptastyrý, tsifrlyq infraqurylymdy damytý boiynsha aýqymdy sharalar qabyldanyp jatqanyn aitty.
Prezident Hanwha Group kompaniiasyna Qazaqstandy Ortalyq Aziia naryǵyna shyǵatyn tehnologiialyq alań retinde paidalanyp, birlesken jobalardy júzege asyrýdy usyndy. Qasym-Jomart Toqaev Qazaqstannyń Hanwha Group kompaniiasymen seriktestikti keńeitýge daiyn ekenin rastady jáne qol jetkizilgen ýaǵdalastyqtar ózara tiimdi naqty jobalarǵa ulasatynyna senim bildirdi.
Óz kezeginde Kim Don Von Hanwha Group 1997 jyly Qazaqstanmen yntymaqtastyqty bastaǵan alǵashqy koreialyq korporatsiialardyń biri ekenine nazar aýdardy. Sondai-aq elimizdegi tsifrlandyrý úderisine jáne túrli jobalardy iske asyrýǵa qatysý múmkindigin erekshe yqylaspen qabyldaǵanyn atap ótti.
