Qarjylyq monitoring agenttigi buǵan deiin halyqaralyq izdeý jariialanǵan Ulan Muhtaruly Baibolovty Koreia Respýblikasynan Qazaqstanǵa qaitardy, dep habarlaidy dalanews.kz.
Tergeý deregine sáikes U.M. Baibolov salyqtar men biýdjetke tólenetin basqa da mindetti tólemderdi júieli túrde tóleýden jaltarýmen ainalysqan uiymdasqan qylmystyq toptyń múshesi bolǵan.
Qylmystyq áreket mynadai jolmen júzege asyrylǵan: kásiporyndar satyp alynyp, jalǵan basshylardyń atyna qaita tirkelgen, olardyń bank shottary arqyly qarjy operatsiialary júrgizilgen, salyq esebine burmalanǵan málimet engizilip, keiin qarajat qolma-qol aqshaǵa ainaldyrylǵan.
Osy tásilge paidalanylǵan kásiporyndardyń biri - "Sfera" JShS. 2014 jyly U.M. Baibolov osy seriktestik direktorynyń orynbasary qyzmetine taǵaiyndalǵan.
Nátijesinde top músheleri seriktestiktiń esep aiyrysý shottarynan 2,5 mlrd teńgeden asa qarajatty qolma-qol aqshaǵa ainaldyrǵan. Budan bólek, qosymsha eseptelgen salyq kólemi 1 mlrd teńgeden asqan.
Sot kúdiktige qamaýda ustaý túrindegi bultartpaý sharasyn sanktsiialady. Tergeý jalǵasyp jatyr.
