Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Kooperativten keler kómek kóp

Dalanews
Kooperativten keler kómek kóp
Búgingi kún jumyla eńbek etetinderdiń zamanyna ainalýda. «Jalǵyzdyń úni shyqpas» degendei, kez kelgen jalǵyz sharýanyń qandai da bir ónimi ótýsiz qalatyny barlyǵymyzǵa da belgili ǵoi. Osyny eskergen bilik basyndaǵylar alystaǵy aǵaiynǵa utymdy baǵdarlamalardy usynyp, aýyldaǵy sharýalardyń jemisti jumys isteýine taptyrmas múmkindikter berip otyr. Elbasynyń tapsyrmasyna sáikes, aýdan men aýyl ákimderi jáne osy maqsatta arnaiy qurylǵan toptar aýyl-aýyldy aralap, sharýa qojalyqtaryna birigý arqyly aýyl sharýashylyǵy kooperativterin qurýdyń tiimdi tustaryn jappai túsindirdi.

Osyndai túsindirý jumystaryna qatysýdyń nátijesinde kooperativtiń aýyl adamdarynyń oń jambasyna keletinin aýyl turǵyndary da jaqsy túsindi. Máselen, Shý aýdanyndaǵy Eski-Shý aýyldyq okrýgine qarasty Belbasar aýylynan sharýaǵa ikemi bar birneshe azamaty basyn biriktirip,  «Belbasar - 2017» kooperativin qurǵan. Aýyldan niet bildirgen ár otbasynyń múmkinshiligi, qora-qopsynyń jaǵdaiy, jumys qoly tolyǵymen tekserilip, eki oily bolyp júrgenderine kooperativ qurýdaǵy maqsat tereńirek túsindirilgen. Mine, osy uiymdastyrý jumystarynyń qarqyndy júrgizilýi nátijesinde bul kúnderi Belbasar aýylynda 23 otbasy mal bordaqylaý sharýasymen shuǵyldanyp otyr. «Bul sońǵy jyldary ǵana qolǵa alynyp, nátijesi kórine bastaǵan is» - deidi kooperativ jetekshisi Meiirlan Dúbirov.

– Shúkir, búginde kooperativ músheleriniń qorasy qur emes. Osy oraida, kooperativ jumysynyń alǵa basýyna onyń quramyndaǵy ár azamattyń eńbeginiń orasan zor ekenin aitýǵa tiispin. Rasyn aitý kerek, aýyldy jerlerdekooperativterdiń kóp bolýy aýyl sharýashylyǵyndaǵy ónim kólemin barynsha ulǵaityp, azyq-túlik qaýipsizdigin de tolyqqandy qamtamasyz etýge mol septigin tigizerisózsiz. Sharýanyń ebin tapqan adamǵa búgingi kúni sýbsidiialar aýyl sharýashylyǵyna óte joǵary deńgeide bólinip, memleket tarapynan jaqsy qoldaý kórsetilýde. Áýel basta kooperativ músheleriniń árqaisysy Aýylsharýashylyǵyn qoldaý qory arqyly 6 paiyzben 7 jylǵa nesie aldy. Nátijesinde, olar 67 million teńgege jalpy sany 358 bas múiizdi iri qara alyp, qazir bordaqylaýmen ainalysýda. Kooperativ qurylǵannan keiin, araǵa 9 ai salyp, ótken aida alǵash ret iri qaranyń etin ótkizdik. Nátijesi jaman emes, - deidi ol.

Az ýaqyttyń ishinde baiqaǵanymyzdai, kooperativ aýyldaǵy aǵaiynnyń birneshe máselesin sheshedi. Eń áýeli aýyldaǵy jumyssyzdyq azaiady. Qazir koope­rativke músheler aldymen derbes kásipker bolyp tirkeledi, salyǵyn, meditsinalyq saqtandyrýdy ýaqtyly tólep otyrady. Osyndai júieli jumystyń nátijesinde, kezeń-kezeńimen túsetin tabystyń da kólemi artyp, turǵyndardyń turmys deńgeii de kóteriletini sózsiz.
Shý aýdany kooperativ Belbasar Meiirlan Dúbirov Madina Sádýaqasova

Oqi otyryńyz