وسىنداي ءتۇسىندىرۋ جۇمىستارىنا قاتىسۋدىڭ ناتيجەسىندە كووپەراتيۆتىڭ اۋىل ادامدارىنىڭ وڭ جامباسىنا كەلەتىنىن اۋىل تۇرعىندارى دا جاقسى ءتۇسىندى. ماسەلەن، شۋ اۋدانىنداعى ەسكى-شۋ اۋىلدىق وكرۋگىنە قاراستى بەلباسار اۋىلىنان شارۋاعا يكەمى بار بىرنەشە ازاماتى باسىن بىرىكتىرىپ، «بەلباسار - 2017» كووپەراتيۆىن قۇرعان. اۋىلدان نيەت بىلدىرگەن ءار وتباسىنىڭ مۇمكىنشىلىگى، قورا-قوپسىنىڭ جاعدايى، جۇمىس قولى تولىعىمەن تەكسەرىلىپ، ەكى ويلى بولىپ جۇرگەندەرىنە كووپەراتيۆ قۇرۋداعى ماقسات تەرەڭىرەك تۇسىندىرىلگەن. مىنە، وسى ۇيىمداستىرۋ جۇمىستارىنىڭ قارقىندى جۇرگىزىلۋى ناتيجەسىندە بۇل كۇندەرى بەلباسار اۋىلىندا 23 وتباسى مال بورداقىلاۋ شارۋاسىمەن شۇعىلدانىپ وتىر. «بۇل سوڭعى جىلدارى عانا قولعا الىنىپ، ناتيجەسى كورىنە باستاعان ءىس» - دەيدى كووپەراتيۆ جەتەكشىسى مەيىرلان ءدۇبىروۆ.
– شۇكىر، بۇگىندە كووپەراتيۆ مۇشەلەرىنىڭ قوراسى قۇر ەمەس. وسى ورايدا، كووپەراتيۆ جۇمىسىنىڭ العا باسۋىنا ونىڭ قۇرامىنداعى ءار ازاماتتىڭ ەڭبەگىنىڭ وراسان زور ەكەنىن ايتۋعا ءتيىسپىن. راسىن ايتۋ كەرەك، اۋىلدى جەرلەردەكووپەراتيۆتەردىڭ كوپ بولۋى اۋىل شارۋاشىلىعىنداعى ءونىم كولەمىن بارىنشا ۇلعايتىپ، ازىق-تۇلىك قاۋىپسىزدىگىن دە تولىققاندى قامتاماسىز ەتۋگە مول سەپتىگىن تيگىزەرىسوزسىز. شارۋانىڭ ەبىن تاپقان ادامعا بۇگىنگى كۇنى سۋبسيديالار اۋىل شارۋاشىلىعىنا وتە جوعارى دەڭگەيدە ءبولىنىپ، مەملەكەت تاراپىنان جاقسى قولداۋ كورسەتىلۋدە. اۋەل باستا كووپەراتيۆ مۇشەلەرىنىڭ ءارقايسىسى اۋىلشارۋاشىلىعىن قولداۋ قورى ارقىلى 6 پايىزبەن 7 جىلعا نەسيە الدى. ناتيجەسىندە، ولار 67 ميلليون تەڭگەگە جالپى سانى 358 باس ءمۇيىزدى ءىرى قارا الىپ، ءقازىر بورداقىلاۋمەن اينالىسۋدا. كووپەراتيۆ قۇرىلعاننان كەيىن، اراعا 9 اي سالىپ، وتكەن ايدا العاش رەت ءىرى قارانىڭ ەتىن وتكىزدىك. ناتيجەسى جامان ەمەس، - دەيدى ول.
از ۋاقىتتىڭ ىشىندە بايقاعانىمىزداي، كووپەراتيۆ اۋىلداعى اعايىننىڭ بىرنەشە ماسەلەسىن شەشەدى. ەڭ اۋەلى اۋىلداعى جۇمىسسىزدىق ازايادى. ءقازىر كووپەراتيۆكە مۇشەلەر الدىمەن دەربەس كاسىپكەر بولىپ تىركەلەدى، سالىعىن، مەديسينالىق ساقتاندىرۋدى ۋاقتىلى تولەپ وتىرادى. وسىنداي جۇيەلى جۇمىستىڭ ناتيجەسىندە، كەزەڭ-كەزەڭىمەن تۇسەتىن تابىستىڭ دا كولەمى ارتىپ، تۇرعىنداردىڭ تۇرمىس دەڭگەيى دە كوتەرىلەتىنى ءسوزسىز.
