Konstitýtsiialyq sot býkmekerlerge qatysty mańyzdy sheshim qabyldady, dep habarlaidy Dalanews.kz.
Konstitýtsiialyq Sot azamattyń ótinishi boiynsha litsenziiasy bar oiyn biznesi sýbektisi uiymdastyrǵan oiyndarǵa nemese stavkalarǵa qatysýǵa bailanysty sot arqyly qorǵalýyna qol jetkizýdi shekteý týraly Azamattyq kodekstiń (Erekshe bólim) 914-babynyń Konstitýtsiiaǵa sáikestigin tekserdi.
Tekserýge mynalar negiz bolǵan:azamattyń pikirinshe, litsenziiasy bar oiyn biznesi sýbektisi uiymdastyrǵan oiyndarda utys somalaryn óndirip alý týraly talap-aryzdar boiynsha onyń sot arqyly qorǵalý quqyǵyn shekteý Konstitýtsiiaǵa qaishy keledi. 2023 jylǵy jeltoqsanda ótinish berýshi utys somasyn óndirip alý týraly talap qoiýmen sotqa júgingen.
Kodekstiń 914-babyna silteme jasai otyryp, birinshi satydaǵy sot is boiynsha is júrgizýdi toqtatqan, al apelliatsiialyq saty sheshimdi ózgerissiz qaldyrǵan.Konstitýtsiialyq Sottyń qorytyndy sheshimi:Konstitýtsiialyq Sot litsenziiasy bar oiyn biznesi sýbektisimen daýlarda sot arqyly qorǵalýyn alyp tastaý Qazaqstan Respýblikasy azamattyq zańnamasynyń negizgi bastaýlaryna qaishy keletinin jáne litsenziiasy bar sýbektiniń sharttyq mindettemelerdi oryndamaýyna túrtki bolatynyn atap ótti.
Sonymen qatar, Konstitýtsiialyq Sot AK-niń 914-babynyń keibir erejeleri qoldanystaǵy redaktsiiasynda jetkilikti túrde anyq tujyrymdalmaǵan, olardy birkelki túsinýdi jáne qoldanýdy qamtamasyz etýge múmkindik bermeidi dep atap ótti.
Tekserý nátijesinde, Konstitýtsiialyq Sot AK-niń 914-babyn "oiyn biznesin uiymdastyrýshy qumar oiyndaryn jáne (nemese) bás tigýdi ótkizýdiń sharttaryn saqtaǵan kezde" degen sózder bóliginde Konstitýtsiiaǵa sáikes kelmeidi dep tanydy.
Úkimetke belgilengen tártippen Qazaqstan Respýblikasynyń zańnamasyn qabyldanǵan normativtik qaýlyǵa sáikes keltirý máselesin qaraýdy usyndy.
