كونستيتۋسيالىق سوت بۋكمەكەرلەرگە قاتىستى ماڭىزدى شەشىم قابىلدادى، دەپ حابارلايدى Dalanews.kz.
كونستيتۋسيالىق سوت ازاماتتىڭ ءوتىنىشى بويىنشا ليسەنزياسى بار ويىن بيزنەسى سۋبەكتىسى ۇيىمداستىرعان ويىندارعا نەمەسە ستاۆكالارعا قاتىسۋعا بايلانىستى سوت ارقىلى قورعالۋىنا قول جەتكىزۋدى شەكتەۋ تۋرالى ازاماتتىق كودەكستىڭ (ەرەكشە ءبولىم) 914-بابىنىڭ كونستيتۋسياعا سايكەستىگىن تەكسەردى.
تەكسەرۋگە مىنالار نەگىز بولعان:ازاماتتىڭ پىكىرىنشە، ليسەنزياسى بار ويىن بيزنەسى سۋبەكتىسى ۇيىمداستىرعان ويىنداردا ۇتىس سومالارىن ءوندىرىپ الۋ تۋرالى تالاپ-ارىزدار بويىنشا ونىڭ سوت ارقىلى قورعالۋ قۇقىعىن شەكتەۋ كونستيتۋسياعا قايشى كەلەدى. 2023 جىلعى جەلتوقساندا ءوتىنىش بەرۋشى ۇتىس سوماسىن ءوندىرىپ الۋ تۋرالى تالاپ قويۋمەن سوتقا جۇگىنگەن.
كودەكستىڭ 914-بابىنا سىلتەمە جاساي وتىرىپ، ءبىرىنشى ساتىداعى سوت ءىس بويىنشا ءىس جۇرگىزۋدى توقتاتقان، ال اپەللياسيالىق ساتى شەشىمدى وزگەرىسسىز قالدىرعان.كونستيتۋسيالىق سوتتىڭ قورىتىندى شەشىمى:كونستيتۋسيالىق سوت ليسەنزياسى بار ويىن بيزنەسى سۋبەكتىسىمەن داۋلاردا سوت ارقىلى قورعالۋىن الىپ تاستاۋ قازاقستان رەسپۋبليكاسى ازاماتتىق زاڭناماسىنىڭ نەگىزگى باستاۋلارىنا قايشى كەلەتىنىن جانە ليسەنزياسى بار سۋبەكتىنىڭ شارتتىق مىندەتتەمەلەردى ورىنداماۋىنا تۇرتكى بولاتىنىن اتاپ ءوتتى.
سونىمەن قاتار، كونستيتۋسيالىق سوت اك-نىڭ 914-بابىنىڭ كەيبىر ەرەجەلەرى قولدانىستاعى رەداكسياسىندا جەتكىلىكتى تۇردە انىق تۇجىرىمدالماعان، ولاردى بىركەلكى ءتۇسىنۋدى جانە قولدانۋدى قامتاماسىز ەتۋگە مۇمكىندىك بەرمەيدى دەپ اتاپ ءوتتى.
تەكسەرۋ ناتيجەسىندە، كونستيتۋسيالىق سوت اك-نىڭ 914-بابىن "ويىن بيزنەسىن ۇيىمداستىرۋشى قۇمار ويىندارىن جانە (نەمەسە) ءباس تىگۋدى وتكىزۋدىڭ شارتتارىن ساقتاعان كەزدە" دەگەن سوزدەر بولىگىندە كونستيتۋسياعا سايكەس كەلمەيدى دەپ تانىدى.
ۇكىمەتكە بەلگىلەنگەن تارتىپپەن قازاقستان رەسپۋبليكاسىنىڭ زاڭناماسىن قابىلدانعان نورماتيۆتىك قاۋلىعا سايكەس كەلتىرۋ ماسەلەسىن قاراۋدى ۇسىندى.
