Almaty qalalyq politsiia departamenti áleýmettik jeliler men messendjerlerde taraǵan "jańa Konstitýtsiia jobasynyń mátininde sheteldikterge jer satýǵa tyiym alyndy" degen aqparatqa qatysty pikir bildirdi, - dep habarlaidy Dalanews.kz
Vedomstvonyń baspasóz qyzmeti ókilderi bul málimetterdiń shyndyqqa janaspaitynyn jáne derekterdiń burmalanǵanyn atap ótti.
"Jer men tabiǵi resýrstarǵa qatysty normalar eshqandai ózgeriske ushyraǵan joq jáne qoldanystaǵy Konstitýtsiia talaptaryna tolyq sáikes keledi", – delingen habarlamada.
Politsiianyń málimetinshe, jalǵan aqparat taratýdyń derekterine quqyqtyq baǵa berilgen. Nátijesinde Almaty turǵyny kináli bolyp, ákimshilik jaýapkershilikke tartylǵan. Oǵan 20 AEK mólsherinde aiyppul salynǵan.
