الماتى قالالىق پوليسيا دەپارتامەنتى الەۋمەتتىك جەلىلەر مەن مەسسەندجەرلەردە تاراعان "جاڭا كونستيتۋسيا جوباسىنىڭ ماتىنىندە شەتەلدىكتەرگە جەر ساتۋعا تىيىم الىندى" دەگەن اقپاراتقا قاتىستى پىكىر ءبىلدىردى، - دەپ حابارلايدى Dalanews.kz
ۆەدومستۆونىڭ باسپا ءسوز قىزمەتى وكىلدەرى بۇل مالىمەتتەردىڭ شىندىققا جاناسپايتىنىن جانە دەرەكتەردىڭ بۇرمالانعانىن اتاپ ءوتتى.
"جەر مەن تابيعي رەسۋرستارعا قاتىستى نورمالار ەشقانداي وزگەرىسكە ۇشىراعان جوق جانە قولدانىستاعى كونستيتۋسيا تالاپتارىنا تولىق سايكەس كەلەدى"، – دەلىنگەن حابارلامادا.
پوليسيانىڭ مالىمەتىنشە، جالعان اقپارات تاراتۋدىڭ دەرەكتەرىنە قۇقىقتىق باعا بەرىلگەن. ناتيجەسىندە الماتى تۇرعىنى كىنالى بولىپ، اكىمشىلىك جاۋاپكەرشىلىككە تارتىلعان. وعان 20 اەك مولشەرىندە ايىپپۇل سالىنعان.
