Prezident Qasym-Jomart Toqaev Konstitýtsiiany qabyldaýǵa arnalǵan saltanatty jiynǵa qatysty, dep habarlaidy Dalanews.kz.
"Búgin barshańyz tarihymyzdaǵy asa mańyzdy, mán-maǵynasy airyqsha, el ómirinde óshpes iz qaldyratyn oqiǵanyń kýási boldyńyzdar. Men Memleket basshysy retinde búkil halyq atynan Ata zańymyzǵa qol qoidym. Sonymen qatar Konstitýtsiiany iske asyrý jónindegi sharalar týraly Jarlyqqa qol qoidym. Endi Halyq Konstitýtsiiasy 1 shildeden bastap resmi túrde óz kúshine enedi. Al Konstitýtsiia kúnin memlekettik mereke retinde ulttyq deńgeide jyl saiyn 15 naýryzda atap ótetin boldyq. Elimizdiń barsha halqyna Ata zańymyz qutty bolsyn degim keledi!" - dedi Memleket basshysy.
Qasym-Jomart Toqaevtyń sózinshe, Konstitýtsiia – memleketimizdiń uzaq merzimdi maqsat-muratyn aiqyndaityn, ultymyzdyń keleshek taǵdyryna tikelei áser etetin tarihi qujat.
"Bul – shyn máninde Halyq Konstitýtsiiasy. Onyń jobasy shamamen eki jyl buryn pysyqtala bastady. Keiin muqiiat talqylanyp, zerdelenip jazyldy. Konstitýtsiiamyz – tabandy ujymdyq eńbektiń nátijesi", - dedi Prezident.
