Konstitýtsiialyq sot qylmystyq protseste aiyptalýshylardy qamaýda ustaý merzimine qatysty birqatar normalardy qarap, olardyń bir bóligin Konstitýtsiiaǵa sáikes emes dep tanydy, dep habarlaidy dalanews.kz.
Sotqa azamattar Qylmystyq-protsestik kodekstiń bultartpaý sharalaryn qoldaný tártibi men sottalýshyny qamaýda ustaý merzimderin retteitin birneshe babyna qatysty ótinishpen júgingen.
Ótinish ieleri adamnyń bostandyǵyn shekteý máselelerin qaraý kezinde qoldanylatyn merzimderdi esepteý tártibiniń Konstitýtsiiaǵa sáikestigine kúmán keltirgen.
Birinshi jaǵdaida sottalýshyny qamaýda ustaý merzimi zańda belgilengen alty ailyq merzim aiaqtalǵannan keiin uzartylǵan. Ekinshi jaǵdaida qamaýda ustaý túrindegi bultartpaý sharasy on eki ailyq merzimniń aiaqtalýyna bailanysty úiqamaqqa aýystyrylǵanymen, keiin qaitadan qamaýǵa alý múmkindigi saqtalǵan.
Konstitýtsiialyq sottyń atap ótýinshe, Konstitýtsiia árbir azamattyń jeke bas bostandyǵyna kepildik beredi. Sondyqtan qamaýǵa alý men qamaýda ustaý tek zańda kózdelgen jaǵdailarda jáne naqty belgilengen merzimder sheginde ǵana júzege asyrylýy tiis.
«Zańda kózdelgen merzimnen artyq qamaýda ustaý adamnyń konstitýtsiialyq quqyǵyn buzady jáne quqyqtyq aiqyndyq qaǵidatyna qaishy keledi», – dep málimdedi Konstitýtsiialyq sot.
Nátijesinde Konstitýtsiialyq sot Qylmystyq-protsestik kodekstiń 342-babynyń úshinshi bóligindegi «osy baptyń ekinshi bóliginde kórsetilgen merzim ótkennen keiin» degen sózderdi Konstitýtsiiaǵa sáikes emes dep tanydy.
Sonymen qatar sot basqa da qaralǵan normalarǵa túsindirme berip, on eki ailyq shekti merzim aiaqtalǵannan keiin sottalýshyny qaitadan qamaýda ustaýǵa jol berilmeitinin naqtylady.
Konstitýtsiialyq sot Úkimetke alty ai ishinde Qylmystyq-protsestik kodeksti sottyń quqyqtyq ustanymdaryna sáikestendirý úshin zańnamalyq ózgerister ázirleýdi usyndy.
