Departamenttiń málimetinshe, Almaty oblysy boiynsha 2020 jylǵa limitter belgilengen. Tastalatyn qaldyqtar boiynsha shekteýler 156,0 myń tonnany, tógindiler boiynsha – 351,0 myń tonnany quraidy.
– Birinshi 1 jartyjyldyqta qaldyqtar boiynsha naqty limitter 22,6 myń tonnany qurady. 2019 jyldyń sáikes kezeńimen salystyrǵanda 0,2 myń tonnaǵa tómen. Al tógindiler limiti kerisinshe artyp, 106,9 myń tonnany qurady, bul ótken jylmen salystyrǵanda 36,4 myń tonnaǵa artyq. Sondai-aq, óndiristik qaldyqtar boiynsha limit – 2020 jyldyń 9 aiynda 302,9 myń tonna, qaldyqtar boiynsha 22,3 myń tonnaǵa azaiý jáne qatty turmystyq qaldyqtar boiynsha– 500,0 myń tonna 22,3 myń tonnaǵa azaidy, – dep habarlady Orman Aqqoziev.
Ol QR Prezidentiniń Jarlyǵymen Almaty oblysynyń 2018-2021 jyldarǵa arnalǵan ekologiialyq problemalaryn sheshý jónindegi is-sharalar jospary ázirlenip, bekitilgenin atap ótti.
Is-sharalar josparyna óńirdiń mynadai ekologiialyq problemalary engizilgen:
- oblystyń eldi mekenderindegi óndiris jáne tutyný qaldyqtarymen jumys isteý problemalary, Jerdi qashyqtyqtan zertteý júiesi arqyly anyqtalǵan ruqsat etilmegen qoqys úiindilerin joiý;
- "Sorbulaq" kóliniń teris áseri men ekologiialyq qaterin tómendetý (Almaty q. sarqyndy sýlardy jinaǵysh);
- Panfilov ýran ken ornynyń radioaktivti úiindilerin joiý;
- Kerbulaq aýdanynyń Saryózek, Eskeldi aýdanynyń Qarabulaq jáne Qapshaǵai qalasynyń Zarechnoe eldi mekenderindegi káriz jelileri men tazartý qurylystarynyń avariialyq jai-kúii;
- Almaty oblysynyń Eńbekshiqazaq jáne Panfilov aýdandarynda ornalasqan ózdiginen tógiletin gidrogeologiialyq uńǵymalardy joiý jáne konservatsiialaý;
- Tekeli qalasynda ornalasqan qaldyq qoimasynyń teris áserin joiý.
