دەپارتامەنتتىڭ مالىمەتىنشە، الماتى وبلىسى بويىنشا 2020 جىلعا ليميتتەر بەلگىلەنگەن. تاستالاتىن قالدىقتار بويىنشا شەكتەۋلەر 156،0 مىڭ توننانى، توگىندىلەر بويىنشا – 351،0 مىڭ توننانى قۇرايدى.
– ءبىرىنشى 1 جارتىجىلدىقتا قالدىقتار بويىنشا ناقتى ليميتتەر 22،6 مىڭ توننانى قۇرادى. 2019 جىلدىڭ سايكەس كەزەڭىمەن سالىستىرعاندا 0،2 مىڭ تونناعا تومەن. ال توگىندىلەر ءليميتى كەرىسىنشە ارتىپ، 106،9 مىڭ توننانى قۇرادى، بۇل وتكەن جىلمەن سالىستىرعاندا 36،4 مىڭ تونناعا ارتىق. سونداي-اق، وندىرىستىك قالدىقتار بويىنشا ليميت – 2020 جىلدىڭ 9 ايىندا 302،9 مىڭ توننا، قالدىقتار بويىنشا 22،3 مىڭ تونناعا ازايۋ جانە قاتتى تۇرمىستىق قالدىقتار بويىنشا– 500،0 مىڭ توننا 22،3 مىڭ تونناعا ازايدى، – دەپ حابارلادى ورمان اققوزييەۆ.
ول ق ر پرەزيدەنتىنىڭ جارلىعىمەن الماتى وبلىسىنىڭ 2018-2021 جىلدارعا ارنالعان ەكولوگيالىق پروبلەمالارىن شەشۋ جونىندەگى ءىس-شارالار جوسپارى ازىرلەنىپ، بەكىتىلگەنىن اتاپ ءوتتى.
ءىس-شارالار جوسپارىنا ءوڭىردىڭ مىناداي ەكولوگيالىق پروبلەمالارى ەنگىزىلگەن:
- وبلىستىڭ ەلدى مەكەندەرىندەگى ءوندىرىس جانە تۇتىنۋ قالدىقتارىمەن جۇمىس ىستەۋ پروبلەمالارى، جەردى قاشىقتىقتان زەرتتەۋ جۇيەسى ارقىلى انىقتالعان رۇقسات ەتىلمەگەن قوقىس ۇيىندىلەرىن جويۋ؛
- "سوربۇلاق" كولىنىڭ تەرىس اسەرى مەن ەكولوگيالىق قاتەرىن تومەندەتۋ (الماتى ق. سارقىندى سۋلاردى جيناعىش)؛
- پانفيلوۆ ۋران كەن ورنىنىڭ راديواكتيۆتى ۇيىندىلەرىن جويۋ؛
- كەربۇلاق اۋدانىنىڭ سارىوزەك، ەسكەلدى اۋدانىنىڭ قارابۇلاق جانە قاپشاعاي قالاسىنىڭ زارەچنوە ەلدى مەكەندەرىندەگى كارىز جەلىلەرى مەن تازارتۋ قۇرىلىستارىنىڭ اۆاريالىق جاي-كۇيى؛
- الماتى وبلىسىنىڭ ەڭبەكشىقازاق جانە پانفيلوۆ اۋداندارىندا ورنالاسقان وزدىگىنەن توگىلەتىن گيدروگەولوگيالىق ۇڭعىمالاردى جويۋ جانە كونسەرۆاسيالاۋ؛
- تەكەلى قالاسىندا ورنالاسقان قالدىق قويماسىنىڭ تەرىس اسەرىن جويۋ.
