"Modern Trading Solutions" taýar birjasyna qatysty tergeý sharalary qolǵa alyndy. Básekelestikti qorǵaý jáne damytý agenttiginiń málimetinshe, birja kommýnaldyq-turmystyq kómirmen saýda-sattyqty uiymdastyrý kezinde naryqtaǵy ústem jaǵdaiyn teris paidalandy degen kúdikke ilingen, dep habarlaidy Dalanews.kz.
"Buzýshylyq belgileri saýda-sattyq sessiiasyna aldyn-ala qol jetkizýdi qamtamasyz etip, sondai-aq naryqtyń jekelegen sýbektilerine eseptik jazbany buǵattaý arqyly saýda-sattyqqa qatysýdy shekteýde kórsetilgen zańsyz artyqshylyqtar berilgen", delingen agenttiktiń 2024 jyly 16 qazanda jariialanǵan habarlamasynda.
Aita ketsek, Qazaqstan taýar birjalaryna josyqsyz qatysýshylardyń tizimin qurýǵa nietti. Osy sipattaǵy zań jobasyna depýtattar bastamashy boldy. Ol Májiliste birinshi oqylymda qabyldanǵan bolatyn.
Sondai-aq Qazaqstanda kómirdiń bir tonnasynyń baǵasy ár óńirde ártúrli ekeni belgili. Qys mezgili taqqaǵanda baǵa spekýliativtik jolmen óse túsetini belgili. Jeke tulǵalar úshin bastapqy baǵa ádette, 16-18 myń teńgeden bastalyp, aqyrynda ol 25-30 myń teńgege deiin barady. 2024 jyldyń tamyz aiynda QR Ónerkásip jne qurylys ministrligi Ónerkásip komiteti tóraǵasynyń orynbasary Turar Jolmaǵambetov kómirdiń bir tonnasy ár óńirge bailanysty 8 myń teńgeden bastalyp, 26 myń teńgege deiin baratynyn aitqan. Bul aradaǵy 8 myń teńge kenish basyndaǵy baǵa ekenin basa aita ketelik.
