Qazaqstannyń kólik ministri Nurlan Saýranbaev úkimettegi baspasóz konferentsiiasynda overbýking – iaǵni áýe biletterin ushaqtaǵy oryn sanynan artyq satý tájiribesin qoldaitynyn aitty. Onyń sózinshe, bul mehanizm – álemdik aviatsiia tájiribesiniń bir bóligi. Ol, sonyń ishinde loýkosterler úshin, qoljetimdi tarifterdi saqtaý úshin qajet, dep habarlaidy Dalanews.kz.
Ministrdiń túsindirýinshe, orta eseppen 5-ten 15%-ǵa deiin jolaýshylar reiske kelmei qalady, sonyń saldarynan ushaqtar bos oryndarmen ushady.
"Mysaly, aviakompaniia nege overbýking jasaidy? Bul – statistika. Ushaq ushqan kezde jolaýshylardyń 5-ten 15%-y elge jáne aýa raiyna bailanysty keshigedi. Iaǵni bilet satyp alǵan jolaýshylar reiske kelmeidi. Nátijesinde ushaq osy 5–15%-syz ushady. Eger biz overbýkingke tyiym salsaq, onda bul shyǵyndy aviatasymaldaýshy negizgi bilet qunyna engizýi kerek. Eger biz tómen baǵa bolsyn desek, overbýkingke jol berýimiz kerek. Bir nemese eki jolaýshynyń keshigip qalatyn jaǵdailary bolýy múmkin, ondai da bolady. Biraq aviakompaniiada overbýking bolǵan kezde, keshikken jolaýshylardy ne klassyn joǵarylatyp, mysaly, biznes-klassqa aýystyrady, ne olardy keiingi reispen jiberedi, onyń qunyn tómendetip, qosymsha bonýs beredi. Bul – aviatsiiada qabyldanǵan mehanizmder", – dedi Nurlan Saýranbaev.
Ministrdiń aitýynsha, loýkost-modeldiń ekonomikalyq máni – tómen bastapqy baǵa men qosymsha aqyly qyzmetterde.
"Bastapqyda biletter 15 myń teńge turady – bul myń shaqyrymǵa 30 dollar. Odan keiin barlyq loýkosterlerdegidei baǵa ósedi. Biraq Qazaqstandaǵy jolaýshylar ári arzan bilet, ári júk, ári bilet qaitarý múmkindigin qalaidy, al olai bolmaidy", – dep atap ótti Nurlan Saýranbaev.
Ol aviakompaniialardyń ikemdiligi memlekettiń retteý deńgeiine tikelei bailanysty ekenin atap ótti.
