"Birinshi kezekte qaza tapqan azamattyń aǵaiyn-týystaryna qaiǵyryp kóńil aitamyn. Al jaraqat alǵan turǵyndar dárigerlerdiń jiti baqylaýynda", - dedi ol.
Ministr qoimada qandai da bir radioaktivti oq-dári, radioaktivti snariadtyń saqtalmaǵanyn atap ótti. Ońtústik óńirge eshqandai radiatsiia qaýpi tónip turǵan joq.
Óz kezeginde Túrkistan oblysynyń ákimi Ómirzaq Shókeev qaza tapqan adamnyń avtokóligine snariad túskenin aitty. Ázirgi ýaqytta 31 adam meditsinalyq mekemege jetkizilgen.
"Onyń ekeýi aýyr halde jatyr, qalǵany ortasha jáne jeńil jaraqat alǵan. Arys qalasyndaǵy jarylystan óńirge radiatsiialyq qaýip joq. Bógen sýqoimasy turaqty baqylaýǵa alynǵandyqtan, sý basý qateri bar degen aqparat ta qaýeset ekenin málimdeimiz", - dedi óńir basshysy.
Qazirgi tańda Arys qalasyndaǵy tártipti qadaǵalaý úshin 345 politsiia qyzmetkeri jumys istese, qosymsha Ulttyq gvardiianyń 500 sarbazy kómekke kelgen.
Turǵyndardyń negizgi bóligi qalany óz aiaǵymen tastap shyqqan. Sońǵy saǵatta 1616 adam eldimekennen kóshirildi.
Ordabasy aýdany, Tórearyq aýylyndaǵy Táýkehan mektebinde evakýatsiiada otbasynan kóz jazyp qalǵan balalar jinalýda. Olardyń fotosýretteri Túrkistan oblysynyń resmi paraqshasynda jariialanady.
Eske sala ketelik, búgin tańerteń saǵat 9.30 kezinde Túrkistan oblysynyń Arys qalasyndaǵy áskeri bólim aýmaǵynda órt shyǵyp, qoimadaǵy oq-dári jaryldy. Qorǵanys ministrligi oqiǵanyń mán-jaiy men sebebin anyqtaýda.
https://www.facebook.com/tvkhabar24/videos/369005353820215/
