"ءبىرىنشى كەزەكتە قازا تاپقان ازاماتتىڭ اعايىن-تۋىستارىنا قايعىرىپ كوڭىل ايتامىن. ال جاراقات العان تۇرعىندار دارىگەرلەردىڭ ءجىتى باقىلاۋىندا"، - دەدى ول.
مينيستر قويمادا قانداي دا ءبىر راديواكتيۆتى ءوق-دارى، راديواكتيۆتى سناريادتىڭ ساقتالماعانىن اتاپ ءوتتى. وڭتۇستىك وڭىرگە ەشقانداي رادياسيا ءقاۋپى ءتونىپ تۇرعان جوق.
ءوز كەزەگىندە تۇركىستان وبلىسىنىڭ اكىمى ءومىرزاق شوكەيەۆ قازا تاپقان ادامنىڭ اۆتوكولىگىنە سنارياد تۇسكەنىن ايتتى. ازىرگى ۋاقىتتا 31 ادام مەديسينالىق مەكەمەگە جەتكىزىلگەن.
"ونىڭ ەكەۋى اۋىر حالدە جاتىر، قالعانى ورتاشا جانە جەڭىل جاراقات العان. ارىس قالاسىنداعى جارىلىستان وڭىرگە رادياسيالىق ءقاۋىپ جوق. بوگەن سۋقويماسى تۇراقتى باقىلاۋعا الىنعاندىقتان، سۋ باسۋ قاتەرى بار دەگەن اقپارات تا قاۋەسەت ەكەنىن مالىمدەيمىز"، - دەدى ءوڭىر باسشىسى.
قازىرگى تاڭدا ارىس قالاسىنداعى ءتارتىپتى قاداعالاۋ ءۇشىن 345 پوليسيا قىزمەتكەرى جۇمىس ىستەسە، قوسىمشا ۇلتتىق گۆارديانىڭ 500 ساربازى كومەككە كەلگەن.
تۇرعىنداردىڭ نەگىزگى بولىگى قالانى ءوز اياعىمەن تاستاپ شىققان. سوڭعى ساعاتتا 1616 ادام ەلدىمەكەننەن كوشىرىلدى.
ورداباسى اۋدانى، تورەارىق اۋىلىنداعى تاۋكەحان مەكتەبىندە ەۆاكۋاسيادا وتباسىنان كوز جازىپ قالعان بالالار جينالۋدا. ولاردىڭ فوتوسۋرەتتەرى تۇركىستان وبلىسىنىڭ رەسمي پاراقشاسىندا جاريالانادى.
ەسكە سالا كەتەلىك، بۇگىن تاڭەرتەڭ ساعات 9.30 كەزىندە تۇركىستان وبلىسىنىڭ ارىس قالاسىنداعى اسكەري ءبولىم اۋماعىندا ءورت شىعىپ، قويماداعى ءوق-دارى جارىلدى. قورعانىس مينيسترلىگى وقيعانىڭ ءمان-جايى مەن سەبەبىن انىقتاۋدا.
https://www.facebook.com/tvkhabar24/videos/369005353820215/
