«Qala aýdandary men eldi mekenderdi aralap, turǵyndarmen turaqty kezdesip turamyz. Úrker (Ilinka) eldi mekeniniń turǵyndarymen kezdestim. Eldi mekende shamamen 20 myń adam turady. Kezdesý barysynda turǵyndar káriz jumystaryn aiaqtaýdy, mektep, aýlalar men qoǵamdyq keńistikter salýdy, kósheni jaryqtandyrýdy, internet júrgizýdi, jyly aialdamalar ornatýdy, jańa avtobýs marshrýttaryn iske qosýdy jáne t.b. surady. Kóterilgen problemalardy qysqa merzimdi, orta merzimdi jáne uzaq merzimdi dep bólemiz.
Mysaly, Úrker eldi mekeniniń ózinde eki jylda 73 km káriz jelisi, 17 káriz sorǵy stantsiiasy, 51 km jol jáne 127 myń sharshy metr trotýar salyndy. Sondai-aq, 6 kárizdik sorǵy stantsiiasyna elektrmen jabdyqtaý júrgizildi, birqatar sorǵylardy jóndeý jáne aýystyrý boiynsha jumystar júrgizildi. Munyń bári qala turǵyndarynyń qolaily ómir súrýine múmkindik berdi. Injenerlik jeliler boiynsha tiisti jumystardy biyl da jalǵastyramyz.
Biyl bilim berý jáne densaýlyq saqtaý qyzmetkerleri úshin jataqhana, órt sóndirý deposy, 1800 oryndyq mektep (eki aýysymdy, E639 jáne №201 kóshelerdiń qiylysy) qurylysyn bastaýdy josparlap otyrmyz. Biyl eldi mekende gaz taratý jelileriniń qurylysy bastalady.
Sonymen qatar turǵyndar bos ýaqytyn ótkize alatyn oryndarǵa kóńil bólý de mańyzdy. Byltyr eki qabatty kottedjdi aýla klýbyna ainaldyrdyq (S.Jyraý kóshesi,1). Onda balalardyń da, eresekterdiń de bos ýaqytyn qolaily ári tegin ótkizýge barlyq jaǵdai jasalǵan, birqatar qoǵamdyq keńistikter salyndy. Sondai-aq Úrkerde dene shynyqtyrý-saýyqtyrý keshenin salyp jatyrmyz, Dospambet jyraý jáne Aiǵyrjal kósheleriniń qiylysynda taǵy bir qoǵamdyq keńistik salýdy josparlap otyrmyz. Qala turǵyndarynan aýlalar men qoǵamdyq keńistikterdi abattandyrý úshin jańa oryndar boiynsha usynystar qabyldaimyz.
Qala turǵyndarynyń ótinishterin eskere otyryp, jańa avtobýs marshrýttaryn iske qosamyz, jaryqtandyrý, jol salý jáne t.b. jumystardy ary qarai jalǵastyramyz.
Elordada 16 eldi meken bar. Memleket basshysynyń tapsyrmasy boiynsha eldi mekenderdiń bárin júieli damytý boiynsha jumys júrgizip jatyrmyz.
Mysaly, júieli problemalarǵa toqtalsam, aldaǵy jyldary taǵy 130 km sýmen jabdyqtaý jáne sý burý jelilerin, 85 km nóser kárizin, 170 km astam elektrmen jabdyqtaý jelilerin, 23 km jylýmen jabdyqtaý jelilerin, 3 nóser kárizderin tazartý qurylystaryn salýdy josparlap otyrmyz.
Joǵaryda aitqanymdai, bizdiń maqsatymyz – qala syrtyndaǵy eldi mekenderdi jaily ári ómir súrýge qolaily infraqurylymy bar shaǵyn aýdanǵa ainaldyrý», – dep jazdy elorda ákimi.
Foto: Aleksandr Kýprienko
