«قالا اۋداندارى مەن ەلدٸ مەكەندەردٸ ارالاپ, تۇرعىندارمەن تۇراقتى كەزدەسٸپ تۇرامىز. ٷركەر (يلينكا) ەلدٸ مەكەنٸنٸڭ تۇرعىندارىمەن كەزدەستٸم. ەلدٸ مەكەندە شامامەن 20 مىڭ ادام تۇرادى. كەزدەسۋ بارىسىندا تۇرعىندار كەرٸز جۇمىستارىن اياقتاۋدى, مەكتەپ, اۋلالار مەن قوعامدىق كەڭٸستٸكتەر سالۋدى, كٶشەنٸ جارىقتاندىرۋدى, ينتەرنەت جٷرگٸزۋدٸ, جىلى ايالدامالار ورناتۋدى, جاڭا اۆتوبۋس مارشرۋتتارىن ٸسكە قوسۋدى جەنە ت.ب. سۇرادى. كٶتەرٸلگەن پروبلەمالاردى قىسقا مەرزٸمدٸ, ورتا مەرزٸمدٸ جەنە ۇزاق مەرزٸمدٸ دەپ بٶلەمٸز.
مىسالى, ٷركەر ەلدٸ مەكەنٸنٸڭ ٶزٸندە ەكٸ جىلدا 73 كم كەرٸز جەلٸسٸ, 17 كەرٸز سورعى ستانتسيياسى, 51 كم جول جەنە 127 مىڭ شارشى مەتر تروتۋار سالىندى. سونداي-اق, 6 كەرٸزدٸك سورعى ستانتسيياسىنا ەلەكترمەن جابدىقتاۋ جٷرگٸزٸلدٸ, بٸرقاتار سورعىلاردى جٶندەۋ جەنە اۋىستىرۋ بويىنشا جۇمىستار جٷرگٸزٸلدٸ. مۇنىڭ بەرٸ قالا تۇرعىندارىنىڭ قولايلى ٶمٸر سٷرۋٸنە مٷمكٸندٸك بەردٸ. ينجەنەرلٸك جەلٸلەر بويىنشا تيٸستٸ جۇمىستاردى بيىل دا جالعاستىرامىز.
بيىل بٸلٸم بەرۋ جەنە دەنساۋلىق ساقتاۋ قىزمەتكەرلەرٸ ٷشٸن جاتاقحانا, ٶرت سٶندٸرۋ دەپوسى, 1800 ورىندىق مەكتەپ (ەكٸ اۋىسىمدى, ە639 جەنە №201 كٶشەلەردٸڭ قيىلىسى) قۇرىلىسىن باستاۋدى جوسپارلاپ وتىرمىز. بيىل ەلدٸ مەكەندە گاز تاراتۋ جەلٸلەرٸنٸڭ قۇرىلىسى باستالادى.
سونىمەن قاتار تۇرعىندار بوس ۋاقىتىن ٶتكٸزە الاتىن ورىندارعا كٶڭٸل بٶلۋ دە ماڭىزدى. بىلتىر ەكٸ قاباتتى كوتتەدجدٸ اۋلا كلۋبىنا اينالدىردىق (س.جىراۋ كٶشەسٸ,1). وندا بالالاردىڭ دا, ەرەسەكتەردٸڭ دە بوس ۋاقىتىن قولايلى ەرٸ تەگٸن ٶتكٸزۋگە بارلىق جاعداي جاسالعان, بٸرقاتار قوعامدىق كەڭٸستٸكتەر سالىندى. سونداي-اق ٷركەردە دەنە شىنىقتىرۋ-ساۋىقتىرۋ كەشەنٸن سالىپ جاتىرمىز, دوسپامبەت جىراۋ جەنە ايعىرجال كٶشەلەرٸنٸڭ قيىلىسىندا تاعى بٸر قوعامدىق كەڭٸستٸك سالۋدى جوسپارلاپ وتىرمىز. قالا تۇرعىندارىنان اۋلالار مەن قوعامدىق كەڭٸستٸكتەردٸ اباتتاندىرۋ ٷشٸن جاڭا ورىندار بويىنشا ۇسىنىستار قابىلدايمىز.
قالا تۇرعىندارىنىڭ ٶتٸنٸشتەرٸن ەسكەرە وتىرىپ, جاڭا اۆتوبۋس مارشرۋتتارىن ٸسكە قوسامىز, جارىقتاندىرۋ, جول سالۋ جەنە ت.ب. جۇمىستاردى ارى قاراي جالعاستىرامىز.
ەلوردادا 16 ەلدٸ مەكەن بار. مەملەكەت باسشىسىنىڭ تاپسىرماسى بويىنشا ەلدٸ مەكەندەردٸڭ بەرٸن جٷيەلٸ دامىتۋ بويىنشا جۇمىس جٷرگٸزٸپ جاتىرمىز.
مىسالى, جٷيەلٸ پروبلەمالارعا توقتالسام, الداعى جىلدارى تاعى 130 كم سۋمەن جابدىقتاۋ جەنە سۋ بۇرۋ جەلٸلەرٸن, 85 كم نٶسەر كەرٸزٸن, 170 كم استام ەلەكترمەن جابدىقتاۋ جەلٸلەرٸن, 23 كم جىلۋمەن جابدىقتاۋ جەلٸلەرٸن, 3 نٶسەر كەرٸزدەرٸن تازارتۋ قۇرىلىستارىن سالۋدى جوسپارلاپ وتىرمىز.
جوعارىدا ايتقانىمداي, بٸزدٸڭ ماقساتىمىز – قالا سىرتىنداعى ەلدٸ مەكەندەردٸ جايلى ەرٸ ٶمٸر سٷرۋگە قولايلى ينفراقۇرىلىمى بار شاعىن اۋدانعا اينالدىرۋ», – دەپ جازدى ەلوردا ەكٸمٸ.
فوتو: الەكساندر كۋپريەنكو
