Biylǵy kóktemgi dala jumystaryna arnalǵan erte qarjylandyrý baǵdarlamasy aiasynda aýyl sharýashylyǵy taýaryn óndirýshilerge 200 mlrd teńge baǵyttaldy, dep habarlaidy Dala News.
Baǵdarlama boiynsha ótinim qabyldaý 2025 jyldyń qazan aiynda bastalǵan. Búginde 2429 sharýadan 312,4 mlrd teńge kóleminde ótinim irikteldi. Qazirgi ýaqytqa deiin 1879 ótinim qarjylandyrylyp, 2,4 mln gektar egis alqaby qamtyldy. Nesie boiynsha syiaqy mólsherlemesi jylyna 5 paiyzdy quraidy.
Sonymen qatar «Damý» qory arqyly kepildik berý tetigi iske asyrylyp jatyr. Bul mehanizm nesie somasynyń 85 paiyzyna deiin kepildik alýǵa múmkindik beredi. Qazirdiń ózinde 86 mlrd teńgege 526 kepildik berilgen.
«Keń dala 2» baǵdarlamasy Memleket basshysynyń kóktemgi egis jumystaryn ýaqytyly ári sapaly júrgizý jónindegi tapsyrmasyna sáikes iske qosylǵan. Erte qarjylandyrý sharýalarǵa 2026 jylǵy egis naýqanyna aldyn ala daiyndalýǵa jaǵdai jasaidy.
Bólingen qarajat janar-jaǵarmai satyp alýǵa, mineraldy tyńaitqyshtar alýǵa, aýyl sharýashylyǵy tehnikasyn jóndeýge jáne tuqym qoryn qalyptastyrýǵa baǵyttalady. Jeńildikti nesie kóktemgi jumystarmen qatar oraq naýqany men maýsymdyq shyǵyndardy óteýge de beriledi. Qarjylandyrý Agrarlyq nesie korporatsiiasynyń óńirlik bólimsheleri jáne seriktes qarjy uiymdary arqyly júzege asyrylady.
