QR Premer-ministri Oljas Bektenov Kókshetaýdaǵy qazandyqtardy jóndeýge Úkimet rezervinen qarajat bólý týraly qaýlyǵa qol qoidy, dep habarlaidy Dalanews.kz.
Aqmola oblysynyń biýdjetine aǵymdaǵy nysanaly transfertter túrinde №1 jáne №2 aýdandyq qazandyqtarda tiisti jumystar júrgizý úshin 816 mln teńgeden astam qarajat aýdarylady. Atap aitqanda, konvektivti bóliktiń paketterin jáne qazandyq agregattaryn jóndeý, sondai-aq qyzdyrý betterin jáne shiki kómir býnkerlerin aýystyrý josparlanyp otyr.
Atalǵan sharalardy iske asyrý nátijesinde qazandyqtardyń tiimdiligi artyp, apattar men toqtap qalý faktileriniń sany azaiady, bul aldaǵy jylytý maýsymynyń irkilissiz ótýin qamtamasyz etýge múmkindik beredi.
Sonymen qatar búginde Kókshetaýda qalanyń jylý jáne elektr energiiasyna degen ósip kele jatqan qajettilikterin tolyq qamtamasyz etýge tiis tolyqqandy JEO salý jobasyn pysyqtaý jumystary jalǵasýda. Onyń tehnikalyq kórsetkishteri jylý qýaty – 520 Gkal/saǵ, elektr qýaty – 240 MVt bolady dep josparlanyp otyr.
Bul rette Kókshetaýdy odan ári gazdandyrýdy eskere otyryp, tabiǵi gazǵa kóshirý múmkindigi bar túrli otyndy kómirtozańdy qazandyqtar ornatý kózdelgen.
Joba biylǵy 17 sáýirde Qazaqstan men Resei arasynda qol qoiylǵan kelisim sheńberinde júzege asyrylady. Qazaqstan tarapynan ýákiletti uiym "Samuryq-Energo" AQ biyl JEO jumysyn bastaý úshin tiisti jol kartasyn ázirledi.
