Kókshetaý qalalyq soty ákimshiliginiń basshysy, 27 jastaǵy Aian Dúisekov ózine qol jumsap, kóz jumdy. Politsiia oqiǵaǵa bailanysty sotqa deiingi tergeý bastady, dep habarlaidy dalanews.kz.
Qumash derekkóziniń málimetinshe, marqumnyń jaqyndary keiingi ailarda oǵan jumys ornynda moraldyq jáne psihologiialyq qysym kórsetilýi múmkin ekenin jetkizgen. Týystarynyń sózinshe, Aianǵa ádiletsiz tártiptik jaza qoldanylǵan. Budan bólek, qyzmettik páter berilgenine birneshe ai ótkende, ony bosatý talap etilgen.
Aian Dúisekov qyzmettik páterde jubaiy jáne bir jáne úsh jastaǵy eki balasymen turǵan. Jaqyndarynyń aitýynsha, ol sot salasyndaǵy qyzmetin jalǵastyryp, bolashaqta sýdia bolýdy josparlaǵan.
Marqumnyń otbasy Aianǵa áriptesteri tarapynan qysym jasaldy ma degen máseleni muqiiat tekserýdi talap etip otyr. Sondai-aq olar onyń óliminen keiin keibir sot qyzmetkerleri eńbekke jaramsyzdyq paraǵyn rásimdegeni týraly aqparattyń da anyq-qanyǵyna jetýdi surady.
Qazir politsiia qaiǵyly jaǵdaidyń barlyq mán-jaiyn anyqtap jatyr.
