«Ordabasy qus» jaýapkershiligi shekteýli seriktestigi Aqdala aýyldyq okrýginen quny 2,5 mlrd. teńgeni quraıtyn asyl tuqymdy úndik balapanyn shyǵaratyn qus fabrıkasyn salýdy josparlaýda. Jobanyń qýattylyǵy 1817 myń dana jumyrtqa shyǵaryp, 70 adam jumyspen qamtylatyn bolady.
Qojatoǵaı aýyldyq okrýgindegi úı irgelik jerlerdi aǵyn sýmen qamtamasyz etý úshin jobalyq-smetalyq qujattamasy ázirlenip, memlekettik saraptamada.
Aldaǵy jyldary sýarmaly jerlerdiń kólemin ulǵaıtý maqsatynda aýyldyq okrýgter boıynsha qosymsha ulǵaıatyn sýarmaly jerdiń kólemderine taldaý jasalynyp, tómendegi jobalar anyqtaldy.
«Kóksaraı» sý rettegishinen sý sorǵysh qondyrǵylary arqyly sýarmaly jerlerdiń kólemin 3700 gektarǵa ulǵaıtý jobasynyń tehnıka-ekonomıkalyq negizdemesi 2 mlrd. 405 mln. teńgege daıyndaldy.
Sý nysandary túsetin qurylystyń astyndaǵy 30,3 gektar jer «Qazsýshar» respýblıkalyq memlekettik kásipornynyń teńgerimine berildi.
«Kóksaraı» sý rettegishine sý jetkizip berýshi kanaldyń aýmaǵynan 4000 gektar sýarmaly jer kólemin ulǵaıtý múmkinshiligi bar, ol úshin, sý sorǵysh qondyrǵylary arqyly 2 qatarly qubyrlar arqyly egistik sýmen qamtamasyz etiletin bolady.
Dermene aýyldyq okrýgindegi «Sanaly» kanalyn kúrdeli jóndeýden ótkizý arqyly 550 gektar sýarmaly jerdi qaıta aınalymǵa qosýǵa jáne sıymdylyǵy 1 mln. tekshe metrlik toǵan salý arqyly sýarmaly jerdiń kólemin 1950 gektarǵa ulǵaıtý múmkindigi bar.
3-K-3 kanalyn tarmaqtarymen qaıta qalpyna keltirýdiń nátıjesinde barlyǵy 1330 gektar, onyń ishinde: 600 gektar sýarmaly jer kólemi ulǵaıyp 730 gektar jer qaıta aınalymǵa qosylatyn bolady.
Jıdeli aýyldyq okrýginde ornalasqan 3-K-3, 3-K-2 jáne 3-K-1 kanaldaryn kúrdeli jóndeý úshin, jergilikti búdjetten qarjy bólinip, JSQ jasalǵan. Jobanyń smetalyq quny 1 mlrd. 469 mln. teńge, joba saraptamadan ótken. Jóndeý jumystary júrgizilgen jaǵdaıda 1731 gektar jer qaıta aınalymǵa qosylatyn bolady.
Arys qalasy ákiminiń baspasóz qyzmeti
