«ورداباسى قۇس» جاۋاپكەرشىلىگى شەكتەۋلى سەرىكتەستىگى اقدالا اۋىلدىق وكرۋگىنەن قۇنى 2،5 ملرد. تەڭگەنى قۇرايتىن اسىل تۇقىمدى ۇندىك بالاپانىن شىعاراتىن قۇس فابريكاسىن سالۋدى جوسپارلاۋدا. جوبانىڭ قۋاتتىلىعى 1817 مىڭ دانا جۇمىرتقا شىعارىپ، 70 ادام جۇمىسپەن قامتىلاتىن بولادى.
قوجاتوعاي اۋىلدىق وكرۋگىندەگى ءۇي ىرگەلىك جەرلەردى اعىن سۋمەن قامتاماسىز ەتۋ ءۇشىن جوبالىق-سمەتالىق قۇجاتتاماسى ازىرلەنىپ، مەملەكەتتىك ساراپتامادا.
الداعى جىلدارى سۋارمالى جەرلەردىڭ كولەمىن ۇلعايتۋ ماقساتىندا اۋىلدىق وكرۋگتەر بويىنشا قوسىمشا ۇلعاياتىن سۋارمالى جەردىڭ كولەمدەرىنە تالداۋ جاسالىنىپ، تومەندەگى جوبالار انىقتالدى.
«كوكساراي» سۋ رەتتەگىشىنەن سۋ سورعىش قوندىرعىلارى ارقىلى سۋارمالى جەرلەردىڭ كولەمىن 3700 گەكتارعا ۇلعايتۋ جوباسىنىڭ تەحنيكا-ەكونوميكالىق نەگىزدەمەسى 2 ملرد. 405 ملن. تەڭگەگە دايىندالدى.
سۋ نىساندارى تۇسەتىن قۇرىلىستىڭ استىنداعى 30،3 گەكتار جەر «قازسۋشار» رەسپۋبليكالىق مەملەكەتتىك كاسىپورنىنىڭ تەڭگەرىمىنە بەرىلدى.
«كوكساراي» سۋ رەتتەگىشىنە سۋ جەتكىزىپ بەرۋشى كانالدىڭ اۋماعىنان 4000 گەكتار سۋارمالى جەر كولەمىن ۇلعايتۋ مۇمكىنشىلىگى بار، ول ءۇشىن، سۋ سورعىش قوندىرعىلارى ارقىلى 2 قاتارلى قۇبىرلار ارقىلى ەگىستىك سۋمەن قامتاماسىز ەتىلەتىن بولادى.
دەرمەنە اۋىلدىق وكرۋگىندەگى «سانالى» كانالىن كۇردەلى جوندەۋدەن وتكىزۋ ارقىلى 550 گەكتار سۋارمالى جەردى قايتا اينالىمعا قوسۋعا جانە سيىمدىلىعى 1 ملن. تەكشە مەترلىك توعان سالۋ ارقىلى سۋارمالى جەردىڭ كولەمىن 1950 گەكتارعا ۇلعايتۋ مۇمكىندىگى بار.
3-ك-3 كانالىن تارماقتارىمەن قايتا قالپىنا كەلتىرۋدىڭ ناتيجەسىندە بارلىعى 1330 گەكتار، ونىڭ ىشىندە: 600 گەكتار سۋارمالى جەر كولەمى ۇلعايىپ 730 گەكتار جەر قايتا اينالىمعا قوسىلاتىن بولادى.
جيدەلى اۋىلدىق وكرۋگىندە ورنالاسقان 3-ك-3، 3-ك-2 جانە 3-ك-1 كانالدارىن كۇردەلى جوندەۋ ءۇشىن، جەرگىلىكتى بيۋدجەتتەن قارجى ءبولىنىپ، جسق جاسالعان. جوبانىڭ سمەتالىق قۇنى 1 ملرد. 469 ملن. تەڭگە، جوبا ساراپتامادان وتكەن. جوندەۋ جۇمىستارى جۇرگىزىلگەن جاعدايدا 1731 گەكتار جەر قايتا اينالىمعا قوسىلاتىن بولادى.
ارىس قالاسى اكىمىنىڭ باسپا ءسوز قىزمەتى
