Al «Aqniet» qoǵamdyq qory qaýipti indetpen jergilikti dárigerler tiimdi kúresýi úshin «Armed» dep atalatyn ottegi kontsentratoratyn satyp alyp, Samar aýyly men Kókpekti aýdanyndaǵy ortalyq aýrýhanaǵa 3 qurylǵyny tapsyrǵan.
Buǵan deiin kásipkerler 3 ottegi apparatyn Kókpekti ortalyq aýrýhanasyna tapsyrǵany esimizde. Osylaisha aýdanda kásipkerler tarapynan qaiyrymdylyq is-sharalary qarqyndy túrde júrip jatyr.
Óz kezeginde Kókpekti ortalyq aýrýhanasynyń Bas dárigeri Ásem Rahymbaev qiyn kezeńde kómek-qoldaýlaryn aiamaǵan kásipkerlerge alǵys aitty.
Aýdannyń bas dárigeri «Aqniet» qoǵamdyq qory jiynaǵan qarjattaryna ottegi apparatynynan basqa, 25 provizorlyq jáne 10 karantindik tósek oryn satyp alǵanyn jáne ony qajetti santehnikamen jabdyqtap, patsientterdiń dárigerlerdiń baqylaýynda bolýyna barlyq jaǵdaidy jasap bergenin alǵa tartty. Sonymen qatar atalmysh qor aýdandaǵy iri eki aýrýhanaǵa 8 meditsinalyq qurylǵylar satyp áperipti.
Jergilikti kásipkerler em alyp jatqan naýqastardyń qunarly tamaqtanýy úshin et, qymyz, qurt jáne ózge de azyq-túlikterdi jetkizip berip otyrǵanyn da aita ketýimiz kerek.
Kókpekti aýdannyń turǵyndary virýs taralǵan kezde jerlesteri, elimizge tanymal kásipker Aidyn Rahymbaevtyń birinshi bolyp qol sozǵanyna dán riza. Dalanews.kz aqparat agenttigi Aidyn Rahymbaevtyń týǵan jerine qandai kómek kórsetkenin buǵan deiin jazǵan bolatyn.
Ultjandy azamat 20 shilde kúni Kókpekti aýdanyna quny 11 mln teńge turatyn 10 ottegi apparaty men túrli medikamentterdi jetkizip bergenin aita ketýimiz kerek.
BI Group kompaniiasynyń jetekshisi «Birlik» qoǵamdyq qorymen birlesip, elimizge 1 myń ottegi apparatyn tegin taratty. Sonyń 100 apparaty Shyǵys Qazaqstan oblysyna jetkizilip, ony kásipkerdiń týǵan aýdanyndaǵy aýrýhanaǵa tapsyrylǵanyn aita ketýimiz kerek.
Óz kezeginde Kókpekti aýdanynyń ákimi Ashat Smailov aýdandaǵy koronavirýspen kúreske airyqsha úles qosyqan Aidyn Rahymbaev bastaǵan kásipkerlerge alǵys aityp, óziniń rizashylyǵyn bildirdi.
