Astanada ótetin 5 Dúniejúzilik kóshpendiler oiyndary qarsańynda kókpardan Qazaqstan ulttyq quramasy Almaty oblysynda oqý-jattyǵý jiyndaryn ótkizip jatyr, – dep habarlaidy Dalanews.kz.
Ulttyq quramanyń bas bapkeri Aqylbai Mankeevtiń aitýynsha, osy oqý-jattyǵý jiyny aiasynda qyrkúiekte ótetin oiyndarǵa qatysatyn jylqylardy shabandozdar baptap jatqanyn alǵa tartty. Kókparǵa 40 jylqynyń ishinen myqtylary iriktelip alynǵan.
Onyń sózinshe, komanda daiyndyǵy qazir joǵary deńgeide. Ulttyq quramaǵa Qyrǵyzstan men Ózbekstannan kelgen komandalar myqty qarsylas bola alady.
– Eki aidan beri 5-shi Dúniejúzilik kóshpendiler oiyndaryna belsendi daiyndalýdamyz. Elimizdiń namysyn abyroimen qorǵaýǵa bar kúshimizdi salamyz. Osyndai mańyzdy sporttyq jarystyń elimizde ótip jatqany bizge úlken jaýapkershilik júkteidi. Birinshi oqý-jattyǵý jiynynda ózimizdiń kúsh-qairatymyzǵa basa mán bersek, endi jylqylardy daiyndap jatyrmyz, – dedi kókpardan Ulttyq qurama múshesi Ádilet Mamyt.
Esterińizge sala keteiik, Respýblikalyq kókpar federatsiiasy Ulttyq sport túrleri qaýymdastyǵynyń quramyna kiredi. Sonymen qatar, qaýymdastyq quramynda Báige, Jamby atý, Aýdaryspaq, Sadaq atý, Qusbegilik, Asyq atý, Teńge ilý, JORYQ jáne t.b. federatsiialar bar. Al qaýymdastyqty belgili kásipker, metsenat, Altyn Qyran Foundation qoǵamdyq qory qamqorshylyq keńesiniń tóraǵasy Islambek Saljanov basqarady.
