Ótken jumada SANA FOUNDATION uiymdastyrýymen qoǵamdyq lektsiia ótti, dep habarlaidy Dalanews.kz.
Rýhani-kásibi damyǵysy keletinderge arnalǵan “Kók muhit strategiiasy” taqyrybyndaǵy lektsiiada óz salasynda kók muhit strategiiasynyń úlgisin jasai alǵan kásipkerler dáris ótti. Jalpy sany 220 adamdy qamtyǵan shara kórermender kóńilinen shyqty.
SANA FOUNDATION Qoǵamdyq Qory birneshe baǵytta jumys jasaidy. Kezdesýde “Kók muhit strategiiasy”
kitabynyń tusaýy kesildi. Bul kitap Harvard Business Review baspaúiiniń álemde 4 million danamen taraǵan bestselleri. Osyǵan deiin 47 tilde jaryq kórgen.
Spikerler kásip bastaǵysy keletinder úshin óz salalary týraly sóz qozǵady.
“Easy Tap” IT kompaniiasynyń negizin qalaýshysy, “Forbes 30 under 30” qatysýshysy – Maǵzum Tólesh “Startapqa óz kógildir muhityn qalai tabýǵa bolady?” taqyryby aiasynda sóiledi. Onyń aitýynsha, startap – úlken táýekel.
Maǵzum Tólesh biznesin Ózbekstan men Qyrǵyzstan naryǵyna shyǵarǵan. Endi onyń kásibi Ázerbaijannyń naryǵyna da shyǵýy múmkin. Ol kitaptyń ómirine áseri týraly:
“Men "Kók muhit startegiiasy" kitabyn 2018 jyly oqydym. Kitapty oqyǵannan keiin sol jyldyń sáýir aiynan bastap oilarym ózgere bastady. Ony jelidegi jazbalarymnan baiqasańyzdar da bolady”, - dep aitty.
Ol EasyTap IT kompaniiasyna $500 myń dollardan astam investitsiia tartqan, qazir kompaniianyń 1.5 jyl ishinde quny $10 mln dollardan asqan.
Oqyrmandarǵa qazaqsha “Sala tańdaý” iýtýb arnasy arqyly tanylǵan kásipker Ulan Qurmanǵaliev te sóz sóiledi. Ol kásipkerlerdiń negizgi jiberip alatyn qatelikteri týraly aityp, kásipti qalai tez bastaý kerektigin jáne qandai tabysty salalary baryn baiandady.
“Kez kelgen kásipti birden úlken qarjymen bastaýǵa bolmaidy. Kásibińizge qajet jer men qurylǵylardy bastapqyda jalǵa alyńyz. Sol kezde shynynda sol salada jumys istei alasyz ba, tek qyzyǵýshylyqpen naryqqa kirgińiz keldi me bári túsinikti bolady. Eger, ol kásipti igere almaitynyńyzdy túsinseńiz, tek jalǵa alý aqysy ǵana shyǵyn bolady”,- dep keńes berdi.
Ulan kásip bastaý taqyrybynda kontent jasaǵandyqtan jii táýekelge toly sheshim qabyldaidy. Jiyrma million tipti odan da kóp qarjy joǵaltqan sheshimderi týraly aityp, jas kásipkerlerge oi saldy.
Urbo Coffee kofehana jelisiniń negizin qalaýshysy Dáýren Murathanuly Almaty naryǵyn qalai jaýlaǵany týraly aityp berdi. Qazir onyń kofehanalary Almatyda eń kóp filialǵa ie, al elimiz boiynsha 40 shaqtysy bar. Ol bizneste masshtabqa shyǵýdyń joldaryn aityp berdi.
“Men kásip bastaǵanǵa deiin memlekettik qyzmetker bolyp jumys istedim. Kásip bastaýǵa ideia men qalaý bar, qarjy joq bolyp júrdim. Bastapqyda franchiza alyp, tek filial retinde kásibimdi bastadym. Qazir 7 jyl buryn ashqan Smart Point-taǵy alǵashqy biznesim áli kúnge deiin jumys istep tur. Almatyda 30 ǵa jýyq kofehana asha aldym”, - dep aitty.
Avataria balalar parkter jelisiniń negizin qalaýshy, vkorzinka.kz azyq túlik dúkender jelisi iesi, YPO múshesi Almaz Týltaev 28 jyldan asa tájiribesi bar kásipker. Óz mysalynda “Kók muhit strategiiasynan” shabyt alǵan kásipker atalmysh kitaptyń qazaq tiline aýdarylýyna demeýshilik etken. Kitap qazir Kitapal dúkender jelisiniń sórelerine qoiylyp, satylymǵa shyqqan.
Sondai-aq, keshtiń sońyn - MBA lektory, Angliia bolashaq stipendiiaty, biznes konsýltant ári PHD kandidat Jasulan Kýshebaev aiaqtady. Ol kompaniialarǵa sholý jasap, kásipkerlerge Kók muhitqa shyǵýǵa kerek teoriialyq formýlalarmen bólisti.
Grigorii Petrovtyń “Finliandiia – aq lala gúlder mekeni” kitabynda Snelman esimdi keiipkerdiń lektsiialary eldi qalai ózgertkeni sóz bolady. Snelman sekildi tulǵalardyń lektsiiasynan soń, Finliandiia batpaqtyń ústinde turǵan elden álemdegi eń baqytty adamdar ómir súretin elge ainalǵan. Spikerler Snelman sekildi óz tájiribelerimen bólisip, sharaǵa kelgen azamattardyń saýaldaryna jaýap berdi.
Qoǵamdyq lektsiianyń maqsaty – qoǵamdy qalyptastyrýshy platforma bolý arqyly elimizdegi ómir sapasyn arttyrýǵa, ekonomikany jaqsartýǵa úles qosý. On jyl buryn bastalyp, araǵa biraz jyldar salyp qaita jalǵasyn taýyp jatqan qoǵamdyq lektsiia kásipkerlik pen aǵartýshylyqty trendke ainaldyrýdy kózdeidi.
