ٶتكەن جۇمادا SANA FOUNDATION ۇيىمداستىرۋىمەن قوعامدىق لەكتسييا ٶتتٸ, دەپ حابارلايدى Dalanews.kz.
رۋحاني-كەسٸبي دامىعىسى كەلەتٸندەرگە ارنالعان “كٶك مۇحيت ستراتەگيياسى” تاقىرىبىنداعى لەكتسييادا ٶز سالاسىندا كٶك مۇحيت ستراتەگيياسىنىڭ ٷلگٸسٸن جاساي العان كەسٸپكەرلەر دەرٸس ٶتتٸ. جالپى سانى 220 ادامدى قامتىعان شارا كٶرەرمەندەر كٶڭٸلٸنەن شىقتى.
SANA FOUNDATION قوعامدىق قورى بٸرنەشە باعىتتا جۇمىس جاسايدى. كەزدەسۋدە “كٶك مۇحيت ستراتەگيياسى”
كٸتابىنىڭ تۇساۋى كەسٸلدٸ. بۇل كٸتاپ Harvard Business Review باسپاٷيٸنٸڭ ەلەمدە 4 ميلليون دانامەن تاراعان بەستسەللەرٸ. وسىعان دەيٸن 47 تٸلدە جارىق كٶرگەن.
سپيكەرلەر كەسٸپ باستاعىسى كەلەتٸندەر ٷشٸن ٶز سالالارى تۋرالى سٶز قوزعادى.
“Easy Tap” IT كومپانيياسىنىڭ نەگٸزٸن قالاۋشىسى, “Forbes 30 under 30” قاتىسۋشىسى – ماعزۇم تٶلەش “ستارتاپقا ٶز كٶگٸلدٸر مۇحيتىن قالاي تابۋعا بولادى?” تاقىرىبى اياسىندا سٶيلەدٸ. ونىڭ ايتۋىنشا, ستارتاپ – ٷلكەن تەۋەكەل.
ماعزۇم تٶلەش بيزنەسٸن ٶزبەكستان مەن قىرعىزستان نارىعىنا شىعارعان. ەندٸ ونىڭ كەسٸبٸ ەزەربايجاننىڭ نارىعىنا دا شىعۋى مٷمكٸن. ول كٸتاپتىڭ ٶمٸرٸنە ەسەرٸ تۋرالى:
“مەن "كٶك مۇحيت ستارتەگيياسى" كٸتابىن 2018 جىلى وقىدىم. كٸتاپتى وقىعاننان كەيٸن سول جىلدىڭ سەۋٸر ايىنان باستاپ ويلارىم ٶزگەرە باستادى. ونى جەلٸدەگٸ جازبالارىمنان بايقاساڭىزدار دا بولادى”, - دەپ ايتتى.
ول EasyTap IT كومپانيياسىنا $500 مىڭ دوللاردان استام ينۆەستيتسييا تارتقان, قازٸر كومپانييانىڭ 1.5 جىل ٸشٸندە قۇنى $10 ملن دوللاردان اسقان.
وقىرماندارعا قازاقشا “سالا تاڭداۋ” يۋتۋب ارناسى ارقىلى تانىلعان كەسٸپكەر ۇلان قۇرمانعاليەۆ تە سٶز سٶيلەدٸ. ول كەسٸپكەرلەردٸڭ نەگٸزگٸ جٸبەرٸپ الاتىن قاتەلٸكتەرٸ تۋرالى ايتىپ, كەسٸپتٸ قالاي تەز باستاۋ كەرەكتٸگٸن جەنە قانداي تابىستى سالالارى بارىن باياندادى.
“كەز كەلگەن كەسٸپتٸ بٸردەن ٷلكەن قارجىمەن باستاۋعا بولمايدى. كەسٸبٸڭٸزگە قاجەت جەر مەن قۇرىلعىلاردى باستاپقىدا جالعا الىڭىز. سول كەزدە شىنىندا سول سالادا جۇمىس ٸستەي الاسىز با, تەك قىزىعۋشىلىقپەن نارىققا كٸرگٸڭٸز كەلدٸ مە بەرٸ تٷسٸنٸكتٸ بولادى. ەگەر, ول كەسٸپتٸ يگەرە المايتىنىڭىزدى تٷسٸنسەڭٸز, تەك جالعا الۋ اقىسى عانا شىعىن بولادى”,- دەپ كەڭەس بەردٸ.
ۇلان كەسٸپ باستاۋ تاقىرىبىندا كونتەنت جاساعاندىقتان جيٸ تەۋەكەلگە تولى شەشٸم قابىلدايدى. جيىرما ميلليون تٸپتٸ ودان دا كٶپ قارجى جوعالتقان شەشٸمدەرٸ تۋرالى ايتىپ, جاس كەسٸپكەرلەرگە وي سالدى.
Urbo Coffee كوفەحانا جەلٸسٸنٸڭ نەگٸزٸن قالاۋشىسى دەۋرەن مۇراتحانۇلى الماتى نارىعىن قالاي جاۋلاعانى تۋرالى ايتىپ بەردٸ. قازٸر ونىڭ كوفەحانالارى الماتىدا ەڭ كٶپ فيليالعا يە, ال ەلٸمٸز بويىنشا 40 شاقتىسى بار. ول بيزنەستە ماسشتابقا شىعۋدىڭ جولدارىن ايتىپ بەردٸ.
“مەن كەسٸپ باستاعانعا دەيٸن مەملەكەتتٸك قىزمەتكەر بولىپ جۇمىس ٸستەدٸم. كەسٸپ باستاۋعا يدەيا مەن قالاۋ بار, قارجى جوق بولىپ جٷردٸم. باستاپقىدا فرانچيزا الىپ, تەك فيليال رەتٸندە كەسٸبٸمدٸ باستادىم. قازٸر 7 جىل بۇرىن اشقان Smart Point-تاعى العاشقى بيزنەسٸم ەلٸ كٷنگە دەيٸن جۇمىس ٸستەپ تۇر. الماتىدا 30 عا جۋىق كوفەحانا اشا الدىم”, - دەپ ايتتى.
Avataria بالالار پاركتەر جەلٸسٸنٸڭ نەگٸزٸن قالاۋشى, vkorzinka.kz ازىق تٷلٸك دٷكەندەر جەلٸسٸ يەسٸ, YPO مٷشەسٸ الماز تۋلتاەۆ 28 جىلدان اسا تەجٸريبەسٸ بار كەسٸپكەر. ٶز مىسالىندا “كٶك مۇحيت ستراتەگيياسىنان” شابىت العان كەسٸپكەر اتالمىش كٸتاپتىڭ قازاق تٸلٸنە اۋدارىلۋىنا دەمەۋشٸلٸك ەتكەن. كٸتاپ قازٸر Kitapal دٷكەندەر جەلٸسٸنٸڭ سٶرەلەرٸنە قويىلىپ, ساتىلىمعا شىققان.
سونداي-اق, كەشتٸڭ سوڭىن - MBA لەكتورى, انگلييا بولاشاق ستيپەنديياتى, بيزنەس كونسۋلتانت ەرٸ PHD كانديدات جاسۇلان كۋشەباەۆ اياقتادى. ول كومپانييالارعا شولۋ جاساپ, كەسٸپكەرلەرگە كٶك مۇحيتقا شىعۋعا كەرەك تەورييالىق فورمۋلالارمەن بٶلٸستٸ.
گريگوريي پەتروۆتىڭ “فينلياندييا – اق لالا گٷلدەر مەكەنٸ” كٸتابىندا سنەلمان ەسٸمدٸ كەيٸپكەردٸڭ لەكتسييالارى ەلدٸ قالاي ٶزگەرتكەنٸ سٶز بولادى. سنەلمان سەكٸلدٸ تۇلعالاردىڭ لەكتسيياسىنان سوڭ, فينلياندييا باتپاقتىڭ ٷستٸندە تۇرعان ەلدەن ەلەمدەگٸ ەڭ باقىتتى ادامدار ٶمٸر سٷرەتٸن ەلگە اينالعان. سپيكەرلەر سنەلمان سەكٸلدٸ ٶز تەجٸريبەلەرٸمەن بٶلٸسٸپ, شاراعا كەلگەن ازاماتتاردىڭ ساۋالدارىنا جاۋاپ بەردٸ.
قوعامدىق لەكتسييانىڭ ماقساتى – قوعامدى قالىپتاستىرۋشى پلاتفورما بولۋ ارقىلى ەلٸمٸزدەگٸ ٶمٸر ساپاسىن ارتتىرۋعا, ەكونوميكانى جاقسارتۋعا ٷلەس قوسۋ. ون جىل بۇرىن باستالىپ, اراعا بٸراز جىلدار سالىپ قايتا جالعاسىن تاۋىپ جاتقان قوعامدىق لەكتسييا كەسٸپكەرلٸك پەن اعارتۋشىلىقتى ترەندكە اينالدىرۋدى كٶزدەيدٸ.
